55:386  sentis  loci  restringo:  ac  si  diceret,  si  haec  doctrina  ingenii  vestri  captu  altior  est,  petite  a  Domino  ut  vos  spiritu  suo  illuminet.  Nam  ut  sola  illa  consideratio  ad  mitigandam  quamlibet  malorum  acerbitatem  sufficit,  salutare  esse  nobis  quod  carni  molestum  est:  ita  nisi  hoc  solatii  genere  sustinemur,  necesse  est  impatientia  vinci.  Sic  videmus  Dominum  non  ita  a  nobis  exigere  quae  sunt  supra  vires,  quin  paratus  sit  opitulari,  modo  petamus:  quare  simul  atque  aliquid  praecipit,  discamus  ab  eo  petere  praestandi  facultatem,  quamquam  autem  hoc  loco  sapere  est  subiicere  se  Deo  ad  mala  toleranda,  ubi  rite  expendimus  sic  eum  omnia  moderari,  ut  in  salutem  nostram  cedant:  potest  tamen  haec  sententia  generaliter  aptari  ad  omnes  rectae  intelligentiae  partes.  Verum  cur  dicit  si  quis,  quasi  non  omnes  indigeant?  Respondeo,  destitui  quidem  omnes  naturaliter:  sed  alios  spiritu  prudentiae  donatos  esse,  quo  alii  carent.  Quoniam  itaque  non  omnes  eo  progressi  sunt,  ut  sibi  in  afflictione  gratulenter,  sed  pauci  quibus  hoc  datum  est:  ideo  occurrit  Iacobus,  ac  eos  admonet,  quibus  nondum  persuasum  est,  cruce  salutem  nostram  a  Domino  promoveri,  ut  se  hac  sapientia  donari  postulent.  Et  tamen  non  dubium  est  quin  omnes  admoneat  necessitas,  idem  petere.  Qui  enim  aliquo  usque  profecit,  longe  adhuc  abest  a  meta.  Sed  aliud  est,  augmentum  petere,  quam  initium:  quum  iubet  a  Domino  petere,  significat  eum  esse  unum  qui  morbis  nostris  potest  mederi,  et  inopiae  subvenire.  Qui  dat  omnibus  simpliciter.  Omnes  intelligit  qui  petunt:  nam  qui  remedia  non  quaerunt  suae  egestati,  digni  sunt  qui  in  ea  tabescant.  Magnam  tamen  vim  habet  universalis  oratio,  qua  sine  exceptione  unumquemque  nostrum  invitat:  quare  nemo  se  privare  debet  tanto  bono.  Huc  accedit  promissio  quae  mox  annectitur.  Nam  sicuti  hoc  mandato  demonstrat  quale  sit  cuiusque  officium:  ita  non  frustra  facturos  quod  praecipit,  affirmat:  secundum  illud  Christi  :  Pulsate,  et  aperietur.  Particula  simpliciter,  dandi  promptitudinem  denotat.  Sic  ad  Romanos  cap.  12,  8,  Paulus  a  diaconis  simplicitatem  requirit.  Et  secundae  ad  Corinthios  octavo  et  nono,  quum  de  eleemosynis  disputat,  aliquoties  repetit  eandem  vocem.  Sensus  ergo  est,  Deum  ita  ad  dandum  esse  propensum  ac  facilem,  ut  neminem  repudiet  vel  fastidiose  differat:  nec  similem  parcis  ac  tenacibus,  qui  vel  maligne,  quasi  semiclausa  manu,  tenuiter  erogant:  vel  aliquid  ex  eo  quod  erant  daturi,  rescindunt:  vel  diu  secum  intus  alternant,  daturi  sint  necne.  Nec  exprobrat.  Hoc  additum  est,  ne  quis  Deum  saepius  adire  metuat.  Qui  ex  hominibus  maxime  sunt  liberales,  tametsi  identidem  quispiam  iuvari  se  postulet,  priora  beneficia  commemorant:  atque  ita  excusant  in  posterum  :  quare  hominem  mortalem  25