54:386  les  saincts  peres,  et  avons  une  foy  commune  avec  eux.  Et  pourquoy?  Car  nous  sommes  conioints  a  luy  d'un  lien  indissoluble.  Cognoissons  donc  que  nous  sommes  unis  en  leurs  corps,  moyennant  que  nous  ayons  la  foy  qu'ils  ont  suivie.  Voila  donc  comme  auiourd'huy  nous  pouvons  despiter  les  Papistes,  et  les  desfier,  quelque  orgueil  qu'ils  ayent:  combien  qu'ils  se  vantent  d'estre  les  vrais  catholiques  (comme  ils  parlent),  toutesfois  nous  sommes  asseurez  que  Dieu  nous  advoue,  et  qu'il  les  condamne.  Et  pourquoy?  d'autant  que  ce  regime  spirituel  que  le  Fils  de  Dieu  nous  a  commande,  est  entre  nous:  c'est  que  nous  oyons  sa  parole,  tellement  qu'il  y  a  un  accord  et  une  melodie  entre  la  foy  des  freres  anciens,  celle  de  tous  les  eleus  de  Dieu,  et  la  nostre.  Quand  cela  y  est,  nous  sommes  asseurez:  que  le  monde  iuge  tant  qu'il  voudra,  mais  nous  le  condamnerons  en  toute  liberte.  Car  si  nous  pouvons  despiter  les  Anges  du  ciel  quand  ils  se  dresseroyent  contre  l'Evangile  de  Iesus  Christ,  que  sera-ce  de  ceste  ordure  puante  du  Pape,  et  de  tous  les  siens,  quand  ils  s'attribueront  une  telle  puissance,  que  Iesus  Christ  ne  soit  plus  rien,  que  la  foy  soit  mise  sous  le  pied,  et  qu'ils  se  forgent  une  telle  doctrine  que  bon  leur  semblera?  Voila  donc  comme  nous  avons  a  prattiquer  ce  passage  de  S.  Paul.  Or  ceci  doit  estre  un  moyen  pour  asseurer  ceux  que  Dieu  envoye  pour  anoncer  sa  parole,  que  quand  ils  sentiront  qu'ils  ne  peuvent  suffire  pour  porter  la  doctrine  de  l'Evangile,  que  neantmoins  ils  ayent  ce  que  dit  ici  sainct  Paul,  c'est  ascavoir  que  nostre  doctrine  soit  conforme  a  la  foy  de  tous  les  eleus  de  Dieu,  et  que  cela  soit  pour  repousser  ceux  qui  s'elevent  contre  nous,  et  que  nous  ne  facions  nulle  difficulte  de  dire  avec  S.  Paul,  Que  nous  avons  le  glaive  en  la  main  :  non  pas  un  glaive  materiel,  mais  pour  prononcer  sentence  de  condamnation,  et  pour  declarer  que  la  vengeance  de  Dieu  est  appareillee  contre  tous  ceux  qui  ne  voudront  recevoir  nostre  doctrine.  Il  est  vray  que  nous  devons  tendre  tousiours  a  ce  but,  d'amener  le  monde  a  l'obeissance  de  nostre  Seigneur  Iesus  Christ.  Mais  quoy  qu'il  en  soit,  que  nous  ne  doutions  point  de  declarer  que  tous  ceux  qui  ne  se  voudront  point  ioindre  a  nous,  et  qui  ne  voudront  faire  cest  hommage  tel  que  nous  avons  dit,  a  Iesus  Christ,  qu'ils  sont  excommuniez  de  l'Eglise,  qu'ils  sont  bannis  du  royaume  de  Dieu,  et  qu'il  ne  leur  reste  sinon  de  recevoir  la  vengeance  horrible  qui  leur  est  apprestee.  Voila  pour  un  item.  Mais  aussi  notons  que  tous  Chrestiens  ont  ici  un  bon  appuy,  quand  ils  seront  agitez  de  beaucoup  de  tentations,  qu'il  leur  suffise  de  s'estre  rangez  au  troupeau  de  nostre  Seigneur  Iesus  Christ,  et  d'avoir  une  foy  conforme  a  celle  des  Peres  anciens,  et  de  tous  ceux  que  Dieu  a  eleus  :  quand  ils  auront  cela,  25