47:386  ut  mundus  credat,  quod  tu  me  miseris.  22.  Et  ego  gloriam,  quam  dedisti  mihi,  dedi  eis:  ut  unum  sint,  quemadmodum  nos  unum  sumus.  23.  Ego  in  ipsis,  et  tu  in  me,  ut  ipsi  perfecti  sint  in  unum,  et  ut  cognoscat  mundus,  quod  tu  me  miseris  et  dilexeris  eos,  sicut  tu  me  dilexisti.  20.  Non  pro  ipsis  autem  rogo  tantum.  Nunc  precationem,  qua  solos  apostolos  hactenus  complexus  fuerat,  longius  extendit:  nempe  ad  omnes  evangelii  discipulos,  qui  futuri  erant  usque  ad  finem  mundi.  Insignis  certe  fiduciae  materia:  nam  si  per  evangelii  doctrinam  credimus  in  Christum,  minime  ambigendum  est,  quin  iam  cum  apostolis  collecti  simus  in  fidelem  custodiam,  ne  quis  nostrum  pereat.  Haec  Christi  precatio  tranquillus  est  portus,  in  quem  quisquis  se  recipit  securus  est  ab  omni  naufragii  periculo.  Perinde  enim  valet  ac  si  conceptis  solennibus  verbis  iurasset  Christus,  curae  sibi  ac  studio  esse  salutem  nostram.  Initium  autem  fecit  a  suis  apostolis,  ut  eorum  salus,  quae  nobis  certa  est,  nobis  certiorem  propriae  salutis  fidem  faceret.  Ergo,  quoties  nos  aggreditur  Satan,  opponere  hunc  clypeum  discamus,  nos  apostolis  sacro  filii  Dei  ore  non  frustra  coniunctos  esse,  ut  omnium  salus  in  eodem  quasi  fasciculo  inclusa  esset.  Proinde  nihil  est  quod  nos  acrius  ad  evangelium  amplexandum  stimulare  debeat.  Nam  ut  incomparabile  bonum  est,  Christi  manu  nos  offerri  Deo,  ut  ab  interitu  servemur  incolumes,  ita  merito  eius  amorem  et  curam  aliis  omnibus  praeferri  decet.  Hac  in  parte  prodigiosa  est  mundi  vecordia:  salutem  expetunt  omnes,  indubium  eius  obtinendae  modum  tradit  Christus,  a  quo  si  quis  deflectat,  nihil  illi  bonae  spei  fit  residuum:  vix  tamen  centesimus  quisque  recipere  dignatur  quod  tam  benigne  oblatum  erat.  Notanda  est  autem  loquendi  forma,  pro  omnibus  rogat  Christus,  qui  in  ipsum  credituri  sunt:  quibus  verbis  admonet  quod  iam  aliquoties  diximus,  fidem  nostram  debere  in  eum  adspicere.  Quod  proxime  sequitur  membrum,  per  eorum  sermonem,  vim  ac  naturam  fidei  optime  exprimit:  et  simul  familiariter  nos  confirmat,  'qui  scimus  fidem  nostram  in  evangelio  per  apostolos  tradito  fundatam  esse.  Ergo  ut  millies  a  mundo  damnemur,  sufficiat  hoc  imum,  quod  Christus  in  suo  peculio  nos  agnoscit  et  patri  commendat.  Vae  autem  papistis,  quorum  tam  longe  ab  hac  regula  aberrat  fides,  ut  eos  non  pudeat  exsecrabilem  blasphemiam  vomere,  nihil  nisi  ambiguum  et  flexiloquum  haberi  in  scriptura.  Itaque  sola  ecclesiae  traditio  illis  credendi  magistra  est.  Sed  nos  meminerimus,  solam  a  filio  Dei  unico  iudice  probari  fidem,  quae  ex  apostolorum  doctrina  concipitur.  Porro  certum  eiu��  testimonium  non  alibi  reperietur  quam  in  ipsorum  scriptis.  Notanda  est  etiam  loquutio,  credere  per  sermonem,  quae  significat  fidem  ex  auditu  nasci,  25