32:386  pheta,  non  tam  in  personas  quam  in  vitia  dirigi.  Colenda  enim  nobis  est  pax  cum  omnibus,  quoad  licet:  amanda  est  etiam  omnium  salus:  et  si  fieri  potest,  humanitate  et  omnibus  officiis  revocandi  sunt  in  viam.  Quatenus  tamen  Dei  sunt  hostes,  eorum  furori  nos  acriter  opponere  convenit.  23.  (Explora  me  Deus.)  Confirmat  se  non  alia  de  causa  inimicum  fuisse  Dei  contemptoribus,  nisi  quia  Deum  pure  ipse  reverebatur,  et  ab  aliis  eodem  animo  timeri  optabat.  Rara  quidem  fiducia  praeditum  esse  oportuit  qui  se  Dei  iudicio  examinandum  tam  intrepide  offert.  Sed  quia  probe  sibi  conscius  erat  sincerae  pietatis,  non  temere  prosiliit  cum  hac  securitate  ad  Dei  tribunal  :  neque  tamen  immunem  se  profiteri  voluit  ab  omni  culpa,  qui  sub  vitiorum  suorum  onere  tristis  gemebat.  Et  certum  est  sanctos,  quoties  de  sua  integritate  loquuntur,  semper  inniti  gratuitae  veniae.  Caeterum  quia  persuasi  sunt,  utcunque  infirmitate  labantur,  suam  pietatem  probari  Deo,  non  mirum  est  si  libere  se  ab  impiis  separent.  Etsi  autem  sibi  cor  non  esse  fictum  et  duplex  affirmat,  non  tamen  se  omni  reatu  eximit,  sed  tantum  negat  se  pravitati  esse  addictum.  Nomen  enim  yi)]},  n  ��  n  quodlibet  delictum,  sed  dolorem  et  molestiam,  vel  pravitatem  significat:  interdum  etiam  metaphorice  pro  idolo  sumitur.  Quod  postremum  non  convenit  praesenti  loco:  quia  David  non  modo  a  superstitione,  sed  ab  iniustitia  tutum  se  fuisse  testatur;  sicut  alibi  dicitur,  Iesa.  59,  7  in  viis  talium  hominum  esse  molestiam  et  vastitatem,  quia  violenter  per  nefas  omne  grassantur.  Alii  ad  malam  conscientiam  trahunt,  quae  caecis  tormentis  assidue  impios  cruciat:  quod  est  nimis  coactum.  Quidquid  sit,  simpliciter  affirmat  David,  se,  quamvis  homo  esset  vitiis  obnoxius,  non  tamen  fuisse  iniquitati  deditum.  24.  (Et  deduc  me.)  Quod  nonnullis  videtur  esse  imprecatio,  ac  si  caput  suum  David  poenae  devoveat,  nihil  habet  coloris.  Fateor  viam  universae  terrae  quandoque  accipi  pro  communi  interitu:  sed  verbum  ducendi  beneficium  magis  designat  quam  poenam.  Deinde  nescio  an  usquam  mors  vocetur  via  saeculi.  Ego  igitur  non  dubito  notari  continuum  vitae  humanae  cursum:  ac  si  peteret  David  Deum  sibi  esse  ducem  stadii  sui  usque  ad  metam.  Nec  me  latet  quid  alii  quidam  sentiant:  extendunt  enim  ad  vitae  aeternitatem.  Nec  vero  inficior  comprehendi  futuram  vitam  sub  hoc  complemento  viae:  sed  mihi  sufficit  tenere  simplicem  verborum  sensum,  ut  Deus  servum  suum,  cui  semel  manum  porrexit,  usque  ad  finem  gubernet,  neque  deserat  in  medio  spatio.  25