25:386  Iuda:  Laudabunt  te  fratres  tui,  silii  patris  tui  se  tibi  subiicient,  non  recedet  sceptrum  e  Iuda,  nec  legislator  e  pedibus  eius.  Verum  quoniam  abscondita  iacuit  haec  dignitas,  ac  necesse  fuit  cum  multis  et  tardis  obstaculis  luctari  antequam  demum  emergeret:  ideo  magis  restricte  loquitur  Moses.  Quanquam  non  ad  exordia  tantum  videtur  respexisse,  sed  ad  varias  clades,  quibus  non  tantum  minui,  sed  pessum  ire  visum  est  regnum  Davidis:  praesertim  vero  ad  funestam  interruptionem,  quae  contigit  ab  exsilio  babylonico.  Summa  est,  felicitatem  de  qua  vaticinatus  fuerat  Iacob,  non  fore  ita  conspicuam  in  tribu  Iuda,  ut  omnia  illic  laeta  et  iucunda  speranda  sint:  quin  potius  eos  quibus  promissa  fuit  summa  potestas  cum  opulentia,  multis  malis  fore  obnoxios,  ut  in  angustias  redacti  auxilio  Dei  maxime  indigeant.  Ideo  se  ad  preces  convertit:  et  exemplo  suo  non  modo  tribum  illam,  sed  alias  etiam  hortatur  ut  in  extremis  difficultatibus  fidem  Dei  implorent.  Quae  doctrina  ad  nos  quoque  pertinet,  ut  quo  magis  incumbit  Satan  ad  obruendum  Christi  regnum,  eo  magis  ad  preces  et  vota  stimulemur.  Interea  notandum  est  quod  dixi,  promissionem  manere  stabilem:  quia  non  frustra  omnes  tribus  imperio  Iuda  subiicit  Moses,  ubi  deduci  postulat  ad  populum  suum,  nec  frustra  promittit  Deum  praesto  fore  ad  opem  ferendam,  ut  inimicis  praevaleat.  EX  EODEM  CAPITE.  8.  Ad  Levi  vero  dixit:  Perfectiones  tuae  et  splendores  tui  fuerunt  viro  misericordi  tuo,  quem  tentasti  in  Masa:  et  contendere  fecisti  eum  ad  aquas  Meriba.  9.  Qui  dixit  patri  suo  et  matri  suae:  Non  vidi  eum:  et  fratres  suos  non  agnovit,  et  filios  suos  non  cognovit  :  nam  custodierunt  eloquium  tuum,  et  pactum  tuum  servarunt.  10.  Docebunt  iudicia  tua  ipsum  Iacob,  et  legem  tuam  Israelem:  ponent  suffitum  iii  nares  tuas:  et  holocaustum  super  altare  tuum.  ll.  Benedic  Iehova  substantiae  eius^  et  in  opere  manuum  eius  complaceas  tibi:  transfige  lumbos  inimicorum  eius,  et  odio  habentium  eum  ne  resurgant.  12.  Ad  Beniamin  dixit:  Dilectus  Iehovae  habitabit  confidenter  iuxta  illum,  tegens  illum  tota  die,  et  inter  humeros  eius  habitabit.  13.  Ad  Ioseph  vero  dixit:  Benedicta  a  Iehova  terra  eius  ab  excellentia  coeli,  ob  rorem,  et  ob  voraginem  cubantem  deorsum,  14.  Et  ob  praestantiam  proventuum  solis,  et  ob  praestantiam  fructuum  lunae,  15.  Et  ob  praestantiam  cacuminis  montium  antiquorum,  et  ob  praestantiam  collium  perpetuorum,  16.  Et  ob  praestantiam  terrae,  et  ob  plenitudinem  eius:  et  beneplacitum  habitatoris  rubi  veniat  super  caput  Ioseph,  et  super  verticem  separati  a  fratribus  suis.  17.  Primo-  25