8:385  385  I.  CONTRE  L'IDOLATRIE.  386  que  les  prieres  qu'on  fait  aux  Saincts,  et  les  suffrages  qu'on  fait  pour  les  trespassez,  ne  soyent  autant  d'abus  par  lesquels  l'invocation  du  nom  de  Dieu,  qui  est  une  chose  sacree  sur  toutes,  est  profanee.  Toutesfois,  en  se  meslant  en  telles  ordures  parmi  les  Papistes,  ils  ne  pensent  point  estre  coulpables.  Qu'y  ferions-nous?  disent-ils;  il  ne  nous  est  pas  permis  de  reformer  les  choses  que  nous  cognoissons  estre  mauvaises,  car  nous  sommes  personnes  privees,  et  ceulx  qui  ont  l'authorite  publique  les  maintiennent:  parquoy  il  fault  que  nous  passions  par  la.  Ie  leur  confesse  tout  ce  qu'ils  disent,  mais  il  n'y  a  rien  a  propos.  Ce  n'est  pas  a  eulx  de  reformer  l'estat  commun  du  peuple;  nul  aussi  ne  les  en  requiert:  mais  on  les  admonneste  de  reformer  leurs  personnes,  ce  qui  est  de  leur  office.  On  ne  leur  dit  pas  qu'ils  purgent  les  temples  ni  les  rues,  mais  que  chascun  [f.  13]  garde  son  corps  et  son  ame  en  purete,  et  qu'il  mette  peine  que  Dieu  soit  honore  en  sa  maison.  Ce  sont  deux  choses  bien  diverses,  d'abolir  la  Messe  en  un  pais,  ou  de  ne  s'y  trouver  point  quand  on  ne  peut  empescher  qu'elle  ne  soit  en  usage.  Ils  retournent  encores  au  refrain  de  leur  ballade:  c'est  qu'ils  ne  renoncent  point  la  mort  et  passion  de  Iesus  Christ,  pource  que  leur  intention  n'est  pas  telle.  Mais  ie  leur  demande  que  c'est  qu'un  Chrestien  confesse  de  bouche,  sinon  ce  qu'il  croit  de  cueur?  Que  l'acte  qu'ils  font  soit  du  tout  contraire  a  la  confession  Chrestienne,  il  est  assez  notoire.  Ainsi,  entant  qu'en  eulx  est,  ils  renoncent  et  desavouent  ce  qui  est  de  la  pure  foy.  Ie  parleray  encores  plus  priveement.  La  Messe  est  un  sacrifice  auquel  les  Papistes  veulent  offrir  Iesus  Christ  pour  se  reconcilier  a  Dieu.  Bi  cela  estoit  vray,  Iesus  Christ,  par  sa  mort  et  passion,  ne  nous  auroit  point  acquis  iustice  ne  salut  eternel.  Qu'on  face  tant  de  circuis  qu'on  vouldra,  si  fault-il  venir  au  poinct.  Tous  ceulx  qui  vont  a  la  Messe  soubs  tiltre  de  devotion  protestent  d'y  consentir.  Ainsi,  entant  qu'en  eulx  est,  ils  monstrent  qu'ils  ne  tiennent  point  leur  redemption  parfaicte  de  la  mort  de  Iesus  Christ.  Il  y  en  a  qui  se  restraignent  un  peu  plus,  c'est  qu'ils  ne  reservent  que  la  Messe  parochiale,  en  laquelle  il  leur  semble  qu'il  y  a  plus  de  conformite  avecques  la  Cene  de  Iesus  Christ.  Et  de  faict,  on  pourroit  dire  que  les  Messes  qui  se  disent  tant  par  les  fallourdiers  que  par  les  chanoines  et  chapelains,  et  toutes  celles  qui  sont  fondees  a  la  devotion  d'un  particulier,  ou  qui  s'achetent  chascun  iour,  sont  comme  des  putains  de  bordeau.  La  Messe  parochiale  est  comme  une  paillarde,  laquelle  se  couvre  du  nom  de  son  mari  pour  se  tenir  en  reputation  de  femme  de  bien.  Combien  que  la  similitude  n'est  pas  du  tout  propre:  car  une  paillarde  mariee  aura  encores  quelque  vergongne  de  Calvini  opera.  Vol  VIII.