54:385  385  SUR  L'EPITRE  A  TITE.  386  nous  si  le  Pape  doit  estre  receu  pour  ie  chef  de  l'Eglise,  et  que  c'est  que  vaut  en  somme  toute  ceste  Hierarchie  dont  il  se  vaqte,  c'est  a  dire  toute  ceste  vermine  de  Clerge  plein  d'ambition.  Oar  il  dir.a  bien  que  luy  et  ses  Evesques  cornus  sont  successeurs  des  Apostres:  mais  nous  ne  pouvons  point  ici  estre  trompez,  si  nous  voulons  faire  examen  a  ce  que  Dieu  nous  commande.  Voici  une  doctrine  certaine  et  infallible  pour  scavoir  quels  sont  les  vrais  successeurs  des  Apostres:  ascavoir  ceux  qui  nous  preschent  l'Evangile,  qui  s'accordent  a  la  foy  de  tous  les  eleus  de  Dieu.  Quand  nous  trouverons  que  le  Pape  preschera  la  doctrine  laquelle  les  Patriarches  et  les  Prophetes  ont  tenue,  et  laquelle  aussi  les  Apostres  ont  suivie,  alors  il  ne  faudra  plus  repliquer  que  vrayement  il  ne  soit  du  nombre  des  Pasteurs:  mais  cependant  qu'il  fera  de  l'idole,  qu'il  aura  une  tyrannie  barbare,  qu'on  ne  scauroit  ouir  un  seul  mot  de  doctrine  de  sa  bouche  (car  aussi  cela  derogueroit  a  sa  dignite),  il  faut  que  nous  detestions  ce  masque  introduit  par  Satan,  d'autant  que  ce  n'est  sinon  une  corruption  diabolique  qui  s'est  elevee  contre  l'authorite  du  Fils  de  Dieu,  et  contre  Tordre  qu'il  avoit  establi  en  son  Eglise.  Car  la  trouvera-on  la  foy  des  eleus  dont  parle  sainct  Paul?  Qui  plus  est,  on  voit  que  le  Pape  pour  maintenir  ceste  puissance  tyrannique  qu'il  a  usurpee,  ne  veut  point  qu'on  s'enquiere  en  facon  que  ce  soit  de  la  verite  de  Dieu:  il  voudroit  que  l'Escriture  saincte  fust  ensevelie,  et  se  voudroit  tellement  magnifier  par  dessus  toutes  creatures,  que  les  Prophetes  et  les  Apostres  ne  fussent  rien  en  comparaison.  Quand  donc  nous  voyons  qu'avec  un  tel  sacrilege  il  despouille  Dieu  de  sa  maieste,  et  ne  souffrant  point  ce  qui  doit  estre  pour  approbation  de  son  office,  qu'il  veut  estre  cognu  (quel  qu'il  soit)  pour  Apostre,  ne  doutons  point  que  ce  ne  soit  une  bastardise  que  le  diable  a  mise  en  avant,  afin  que  toute  la  police  que  nostre  Seigneur  Iesus  Christ  nous  commande,  fust  dissipee.  Voila  en  premier  lieu  ce  que  nous  avons  a  retenir.  Et  au  reste,  notons  que  pour  estre  asseurez  si  on  nous  parle  au  nom  de  Dieu,  ii  faut  que  nous  venions  a  ce  but,  c'est  ascavoir  de  nous  enquerir  quelle  est  la  foy  des  saincts  Peres  qui  ont  vescu  et  devant  la  Loy,  et  du  temps  des  Prophetes,  et  consequemment  aussi  quelle  est  la  foy  des  Apostres  :  que  nous  ayons  cela,  et  nous  ne  pourrons  faillir.  Et  ce  nous  est  une  consolation  inestimable,  quand  nous  scavons  que  Dieu  nous  absout,  encores  que  le  monde  nous  condamne:  qu'il  nous  recoit  pour  ses  enfans,  combien  que  le  monde  estime  que  nous  soyons  plus  que  reprouvez.  Et  pourquoy?  Ceci  ne  nous  peut  faillir,  c'est  que  Iesus  Christ  nous  gouverne,  qu'il  nous  accepte  pour  estre  membres  de  son  corps,  tellement  que  nous  accordons  avec  Calvini  opera.  Voi*  LIV,