41:385  385  SUR  LE  VI.  CHAP.  DE  DANIEL.  386  vons  pas  approcher  de  luy,  pour  le  contempler  tel  qu'il  est,  il  condescend  a  nostre  petitesse,  et  nous  monstre  qu'il  nous  faut  le  regarder  en  ceste  facon  la.  Or  maintenant  venons  a  ce  que  nostre  Seigneur  avoit  ordonne  en  sa  loy,  quand  il  commanda  que  l'arche  fust  faitte,  il  disoit:  I'habiteray  ici  entre  les  cherubins.  Quand  le  peuple  venoit  au  temple,  il  se  tournoit  mesmes  devers  cette  arche  la,  et  en  s'y  tournant,  il  ne  faisoit  rien  de  sa  teste,  mais  il  suivoit  la  parole  de  Dieu.  Or  cependant  ce  n'estoit  pas  a  dire  qu'il  regardast  ici  bas,  pour  s'y  arrester,  il  regardoit  au  Ciel,  mais  il  avoit  cet  autre  regard,  par  lequel  il  se  conduisoit  selon  la  facon  que  Dieu  luy  avoit  donnee,  en  sa  loy,  brief  les  Sacremens,  nous  sont  comme  images  vives  par  lesquelles  Dieu  se  declare  a  nous.  Quand  donc  les  Sacremens  nous  sont  presentes,  il  faut  que  nous  connoissions  que  Dieu  approche  de  nous,  et  que  de  la  nous  sommes  esleves  au  Ciel.  Pourquoy?  Car  si  on  cerche  Dieu  aux  Sacremens,  cela  est  pervertir  et  abuser  de  l'intention  de  Dieu,  Comme  ceux  qui  auiourd'huy  veulent  adorer  Dieu  soubs  quelque  chose  visible,  que  si  les  Iuifs  se  fuissent  seulement  arrestes  a  cette  arche,  ils  en  eussent  forge  une  idole,  mais  quand  ils  avoient  veu  cela,  il  falloit  qu'ils  regardassent  en  haut,  comme  si  Dieu  leur  eust  dit:  Montes  a  moy,  et  nous  voions  cela  au  huictiesme  chapitre  du  premier  des  Roys  ou  Salomon  en  dediant  le  temple,  expose  quel  en  sera  le  vray  usage,  en  disant:  Seigneur,  quand  ton  peuple  aura  peche,  qu'il  viendra  en  ce  lieu  ici,  et  qu'il  t'y  priera,  tu  exauceras  les  oraisons  qui  y  seront  faictes.  Si  tu  as  transporte  ton  peuple  hors  du  pays,  en  terre  estrange,  quand  il  regardera  du  coste  du  temple  pour  te  prier,  qu'il  soit  exauce.  Or  Daniel  ne  pouvant  venir  au  temple  pour  prier,  car  le  voila  un  pauvre  captif,  que  fait  il?  Ce  qu'il  luy  est  commande  de  Dieu,  c'est  a  scavoir  qu'il  regarde  devers  le  temple.  Voila,  di-ie,  quant  a  cet  article  que  nous  avons  touche.  C'est  a  scavoir  que  Daniel  n'a  point  regarde  du  coste  de  Ierusalem  pour  une  devotion  sotte,  mais  qu'il  a  suivi  la  parole  de  Dieu.  En  cela  nous  voyons  comme  il  a  differe  de  tous  ceux  qui  en  priant  Dieu,  ou  faisant  autre  chose,  suivent  leur  sens  et  leur  raison.  Comme  le  monde  a  este  tousiours  plein  de  cette  folie  la.  Et  bien,  est  il  question  de  prier  Dieu,  nous  ferons  ceci  et  cela,  et  pourquoy?  Pource  qu'il  nous  semble  bon.  Or  Daniel  n'y  a  point  ainsi  procede,  mais  il  a  eu  cette  consideration,  il  faut  que  ie  regarde,  ce  qui  m'est  commande  de  Dieu,  et  que  ie  le  suive.  Si  donc  un  homme  attente  auiourd'huy  de  faire  quelque  service  a  Dieu,  qui  n'ait  point  approbation  de  sa  parole,  tout  cela  est  vain,  et  Dieu  le  reiette,  car  il  faut  que  nous  ayons  cette  sobriete  en  nous,  de  nous  reigler  du  tout  par  la  parole  de  Dieu.  Or  cependant  il  nous  faut  noter,  Calvini  opera.  Vol.  XLI.