32:385  385  PSALMUS  CXXXIX.  386  bpoliant?  Atque  hac  ratione  vocat  Dei  adversarios,  quia  quisquis  supra  legitimum  gradum  se  effert,  gigantum  more  cum  Deo  bellatur.  21.  (Annon  osores  tuos.)  Pergit  ostendere  quantum  in  illa  meditatione  Dei  profecerit,  nempe  quod  se  revocans  ad  Dei  tribunal,  ac  se  non  posse  effugere  eius  manum  cogitans,  cuius  oculi  in  ultimas  abyssos  penetrent,  sibi  pie  sancteque  vivendi  legem  indixerit.  Nam  Dei  contemptores  sibi  dicens  fuisse  odio,  suam  integritatem  hoc  elogio  profitetur:  non  quod  purus  fuerit  ipse  ab  omni  delicto,  sed  quod  pietati  colendae  addictus  omnem  impietatem  ex  animo  detestatus  sit.  Neque  enim  satis  in  cordibus  nostris  viget  pietatis  studium,  nisi  ex  se  odium  scelerum  generet,  quale  hic  praedicat  David.  Deinde  si  in  nobis  ardet  zelus  ille  domus  Dei,  cuius  Psal.  69,  10  meminit  David,  inexcusabile  est  nostrum  frigus,  dum  scilicet  tacite  patimur  non  modo  violari  eius  iustitiam,  sed  sacrum  eius  nomen  petulanter  ab  impiis  calcari.  Quod  ad  postremum  verbum  spectat,  quum  ft*)p  significet  rixari,  vel  contendere,  hic  in  coniugatione  hithpael  eundem  sensum  retinet,  nisi  forte  aliquid  expressius  notet  David,  se  fuisse  exasperatum,  ut  animum  suum  ad  litigandum  acueret.  Videmus  ergo,  Davidem,  neglectis  totius  mundi  odiis,  strenue  certasse  pro  asserenda  Dei  gloria,  ut  bellum  cum  omnibus  impiis  susciperet.  22.  (Perfecto  odio  odi  ipsos.)  Ad  verbum,  perfectione  odii.  Confirmat  eandem  sententiam,  tanti  sibi  faisse  Dei  gloriam  ut  non  sustinuerit  quidquam  habere  commune  cum  eius  contemptoribus.  Summa  vero  huc  tendit,  sibi  nihil  fuisse  consensus  cum  operibus  tenebrarum:  quia  quisquis  ad  scelera  connivet,  eaque  fovet  suo  silentio,  perfidus  est  causae  Dei  proditor,  qui  nobis  omnibus  iustitiae  suae  patrocinium  commendat.  Hoc  autem  exemplo  docemur  fortibus  aliisque  animis  spernenda  esse  omnia  improborum  odia,  ubi  pro  Dei  honore  certandum  est:  potiusque  renuntiandum  esse  terrenis  omnibus  amicitiis,  quam  blanditiis  perperam  foveamus  eorum  favorem  qui  Dei  odium  cupide  in  se  accersunt.  Atque  haec  doctrina  eo  magis  notanda  est,  quod  nos  studium  privatae  salutis,  honoris  et  commoditatum,  adeo  rapit,  ut  nulla  certamina,  simulac  quispiam  nos  laedit,  suscipere  dubitemus:  in  asserenda  Dei  gloria  plus  quam  meticulosi  sumus  et  ignavi.  Ergo  ut  quisque  nostrum  sibi  addictus  est,  suaeque  utilitati  consulit,  non  alia  nos  causa  ad  dissidia,  rixas,  contentiones  et  bella  impellit,  quam  ut  proprias  iniurias  ulciscantur:  ubi  violatur  Dei  maiestas,  nemo  se  commovet,  Atqui  zelum  Dei  in  nobis  vigere  testatur  haec  magnanimitas,  ubi  cum  improbis  et  Dei  contemptoribus  bellum  irreconciliabile  gerere  malumus,  quam  in  eorum  gratiam  alienari  a  Deo.  Quanquam  notandum  est,  odium  cuius  meminit  pro-  Calvini  opera.  Vol.  XXXII.