25:385  385  REDITUS  AD  HISTORIAM.  386  Ubi  vertimus:  Ipsi  adhaeserunt  pedibus  tuis,  alii  transferunt:  Percussi  sunt  ad  pedes  tuos:  sed  coacte  meo  iudicio.  Eliciunt  quidem  utilem  doctrinam,  ferulis  subactos  esse  ut  Deo  parerent:  sed  potius  ducta  est  metaphora  a  discipulis  :  qui,  recepto  linguae  hebraicae  usu,  dicuntur  sedere  ad  pedes  magistri,  ut  diligentius  attenti  sint.  Idque  probatur  ex  contextu:  dicuntur  enim  fideles  se  adiunxisse  pedibus  Dei,  ut  accipiant  e  sermonibus,  hoc  est  in  eius  doctrina  proficiant.  4.  Legem  praecepit  nobis  Moses.  Quod  de  gloria  Dei  et  legis  praestantia  disseruit,  nunc  ad  suam  personam  accommodat,  quia  propositum  erat  (ut  dixi)  ministerio  suo  fidem  asserere.  Ergo,  ut  certa  sit  eius  legatio,  divinitus  se  doctorem  populo  praefectum  esse  gloriatur,  neque  ad  exiguum  tempus,  sed  in  omnes  aetates.  Nam  haereditatis  nomine  legis  notatur  perpetuitas.  Vendicat  deinde  sibi  regis  imperium,  non  quod  regio  more  dominatus  fuerit,  sed  ut  summi  imperii  dignitas  verbis  eius  pondus  addat.  Collecta  autem  capita  fuisse  dicit  et  tribus  coaluisse,  respectu  miserae  dissipationis,  quae  ad  interitum  tendebat:  acsi  diceret,  suo  ductu  et  opera  deintegro  renovatum  esse  statum  populi.  Incipit  a  Ruben  primogenito,  et  damnationis  ignominiam  quae  inusta  fuerat  a  patre  Iacob,  ita  tollit  vel  sublevat,  ut  tamen  non  restituat  in  gradum  honoris.  Duram  enim  sententiam  pronunciaverat  sanctus  vir,  ne  proficeret  Ruben,  sed  difflueret  instar  aquae.  Ergo  ne  tota  posteritas  animo  despondeat,  vel  ab  aliis  reiiciatur,  mitigat  abdicationis  rigorem,  ac  si  daretur  venia  damnato.  In  summa  locum  assignat  familiae  Ruben  inter  filios  Iacob,  ne  desperatio  praecipites  in  deterius  agat.  Secundum  membrum  duos  recipit  sensus  contrarios:  ad  verbum  est:  Sit  parvus  numero.  Et  certe  tribus  illa  non  fuit  ex  maxime  populosis:  quia  tamen  mediocris  fuit,  ut  plures  alias  superaret,  quidam  negativam  repetunt:  Non  moriatur,  nec  sit  parvus  numero.  Atqui  magis  probabile  videtur,  detrahi  familiae  Ruben  quod  ferebat  ordo  primogeniturae,  et  ita  promissioni  gratiae  aspergi  aliquod  dedecus  residuum.  Et  certe  non  modo  tribus  Iuda,  sed  etiam  Simeon,  Issachar,  Zebulon,  Dan  et  Nephthali  multitudine  hominum  praecelluit.  Ita  non  male  quadrabit  exceptio,  censeri  Ruben  in  populo  Dei,  modo  ne  suam  dignitatem  in  solidum  recuperet.  7.  Hoc  etiam  Iehudae.  Hieronymus  sensum  fideliter  reddidit:  Haec  est  benedictio,  licet  verbis  id  non  sit  expressum.  Porro,  quod  primo  intuitu  videri  absurdam  posset,  splendidis  et  liberalibus  elogiis,  quibus  ornata  fuerat  tribus  Iuda,  detrahi  non  male  convenit.  Neque  enim  hoc  modo  mutatur  inviolabile  decretum  de  principatu  Iuda:  sed  tantum  admonet  Moses  quam  difficilis  futurus  sit  effectus.  Pronunciaverat  Iacob,  quasi  de  pacato  imperio  Calvini  opeta.  Vol  XXV.