20:385  385  SUPPLEMENTUM.  386  rioribus  diebus  ad  nostrates  scripsisti*)  in  quibus  non  solum  eos  hortaris  ut  in  pristina,  hoc  est,  vera  fide  Christi  maneant,  verum  etiam  doces  quemadmodum  quisque  vivere  debeat,  et  mones  ut  nihil  committant  quod  christiana  vocatione  indignum  videatur.  Mihique  pergratum  erit,  et  ut  existimo  ecclesiae  maximopere  utile,  si  saepius  ad  illos  ea  scripseris,  aut  etiam  librum  naoawtTMOv  gallice  scriptum  edideris,2)  in  quo  huiusmodi  praecepta  et  monita  compiectaris,  quibus  vita  singulorum  in  officiis  studiisque  pietatis  instituatur.  Nam  explicare  nullis  verbis  possem  quam  sint  negligentes  et  concionatores  in  his  vitae  christianae  officiis  tradendis  et  caeteri  in  iisdem  colendis,  aut  etiam  utrique  impudentes  in  iis  vitiis  et  peccatis  quibus  optima  religionis  professio  deformatur.  In  tantam  enim  iam  corruptionem  pravitatemque  delapsi  sumus,  ut  qui  in  aliorum  vitam  lumen  quoddam  inferre  deberemus  eorumque  tenebras  redarguere,  nunc  nos  ab  illis  coarguamur,  et  quasi  autores  et  professores  tum  doctrinae  tum  vitae  impiae  et  sceleratae  reprehendantur.  Quibus  iustitiae  sanctimoniae  modestiae  omnisque  virtutis  magistri  debemus  esse,  his  nos  videmur  desperati  plane  ac  perditi  homines,  omni  lege  religioneque  soluti:  ac  digni  quidem  iudicamur  qui  omnibus  et  divinis  et  humanis  iudiciis  suppliciis  coerceamur.  Hinc  tam  parvus  evangelii  progressus,  tanti  tamque  turbulenti  motus,  quibus  homines  pii  et  modesti  maximopere  perturbantur  et  vexantur.  Dominus  pro  sua  mansuetudine  et  consuetudine  nostri  aliquam  misericordiam  capiat,  et  aut  hanc  tantam  nequitiam  iniustitiamque  tollat,  aut  nos  qui  ipsum  metuimus  ex  hac  hominum  colluvione  eripiat.  Sed  per  eundem,  mi  carissime  frater,  te  etiam  atque  etiam  vehementer  rogo,  ut  pro  ea  sapientia  spiritus,  quam  Dominus  tibi  tribuit,  aliqua  remedia  cogites  atque  adhibeas,  quibus  huic  tantae  communis  ecclesiae  turpitudini  et  calamitati  mederi  possis.  Poteris  in  ea  vitae  institutione  commemorare  casus  omnes  quibus  animi  hominum  bonorum  ad  studium  pietatis  innocentiae  ac  sanctitatis  excitentur,  et  denunciare  eas  gravissimas  poenas  quas  Dominus  et  in  hac  vita  et  in  futura  comminatur,  qui  suo  sanctissimo  nomine  evangelioque  scelerate  abutuntur,  ut  et  recordatione  beneficiorum  collatorum,  et  exspectatione  futurorum,  et  metu  iudiciorum  ac  suppliciorum  quisque  in  officio  veraque  fide  contineatur.  Nam  ea  quidem  doctrina  hoc  tempore  maxime  est  adhibenda,  qua  in  his  postremis  diebus  animi  eorum  qui  pietatem  profitentur  4148.1)  Quaenam  illae  fuerint,  haud  facile  dixeris.  Gaufresius  cogitat  de  illa  quam  nos  sub  N.  931  eoehibuimus,  a.  d.  IX.  Gal  Aug.  1547  scripta,  et  inde  annum  definire  conatur.  Ela  vero  non  speciatim  ad  Nemausenses.  (Bullet  I  c.  p.  398.)  2)  Talis  non  exstat.  Calvini  opera.  Vol  XX