9:384  Deus  Israel,  non  adoravit  eum  Abraham  in  divina  essentia,  quem  angeli  exhibitum  adorant,  sicuti  rursum  apostolus  prodiisse  in  orbem  terrarum  Christum  docet  cum  hoc  iure  imperii:  Adorent  eum  omnes  angeli.  Quid  porro  absurdius  quam  Deum,  qui  praeerat  veteri  populo,  eratque  dux  eius  et  custos,  non  fuisse  adoratum  a  sanctis  patribus  :  adorari  vero  coeptum  ab  angelis,  ex  quo  factus  est  homo?  Posthac  quidem  nullus  erit  color  cur  se  calumniis  gravari  queratur:  quia  ex  meris  eius  verbis  iudicium  de  eius  impietate  ferri  postulo.  Convicia  quibus  Deum  impetit  refellere  supersedeo.  Primum  l)  quia  sine  horrore  attingi  nequeunt,  atque,  [pag.  43]  ut  taceam,  recident  in  eius  caput.  Contremiscet  aliquando  ad  tribunal  eius  Dei,  cuius  gloriam  omni  probro  conspuere  pro  diabolica  sua  superbia  caecoque  furore  non  metuit:  imo  sentiet  quam  terribili  modo  fulminet  contra  securos  nominis  sui  contemptores.  l)  supersedeo  pluribus,  quia  Beza  et  Amst.