8:384  a  ceulx  qui  vouldroyent  qu'on  les  maniast  selon  leur  appetit.  Mais  que  veulent-ils  que  i'y  face?  Les  cognoissant  ainsi  delicas,  ie  les  vouldrois  bien  espargner  s'il  m'estoit  possible.  Au  reste,  il  fault  que  moy  et  eulx  passions  condamnation  si  tost  que  Dieu  a  parle.  Ils  n'en  trouvent  point  (comme  ils  disent)  de  plus  severe  que  moy.  Or  ie  leur  veulx  monstrer  que  iusques  yci  ie  ne  les  ay  traictez  que  trop  doulcement.  Qu'ainsi  soit,  ils  ne  se  pourront  pas  exempter  de  ce  que  le  prophete  Ieremie  requiert  des  Iuifs  qui  estoyent  captifs  en  Babylone  (10,  ll).  Non  seulement  il  leur  defend  d'aller  aux  abominations  des  Chaldeens,  ou  faire  semblant  d'y  consentir,  mais  il  leur  fait  commandement  expres  de  monstrer  que  ce  leur  est  une  puantise.  Son  propos  est  tel:  Vous  leur  direz:  les  dieux  qui  n'ont  point  faict  le  ciel  et  la  terre  periront  de  la  terre  et  de  dessoubs  le  ciel.  Il  y  a  une  circonstance  bien  a  noter,  que  le  Prophete  ayant  escript  son  livre  en  Hebrieu,  couche  ce  verset  en  gros  patois  du  pais  de  Chaldee,  comme  s'il  pressoit  les  Iuifs  de  changer  leur  langage,  a  fin  de  monstrer  plus  clairement  le  discord  qu'ils  ont  avec  les  idolatres.  Que  nos  tendrons  s'en  aillent  maintenant  plaindre  de  moy,  comme  si  i'estoye  trop  [f.  12]  excessif.  Si  est-ce  que  iamais  ie  n'ay  requis  d'eux  la  moitie  de  ce  que  fait  le  Prophete.  Or  soit  que  i'en  parle  ou  que  ie  m'en  taise,  nous  ne  laissons  pas  d'estre  tous  obligez  a  ceste  loy  que  Dieu  nous  impose.  Et  de  faict,  ce  n'est  pas  sans  cause  que  Dieu,  parlant  a  ses  fideles,  leur  dit:  Vous  estes  mes  tesmoings,  et  mon  serviteur  lequel  i'ay  esleu  (Esa.  44,  8).  Quiconque  se  veult  approuver  membre  de  Iesus  Christ  doibt  monstrer  que  ce  tiltre  luy  compete,  tellement  que  ceulx  qui  ensevelissent,  par  leur  faulx  semblant  et  hypocrisie,  le  tesmoignage  de  la  verite,  n'ont  nulle  excuse.  Que  sera-ce  doncques,  ie  vous  prie,  de  ceulx  qui  toute  leur  vie  le  renversent,  comme  font  ceulx  qui  non  seulement  cachent  leur  Chrestiente  pour  n'en  monstrer  nul  signe  devant  les  hommes,  mais  font  des  actes  tout  contraires  a  icelle?  Il  ne  reste  donc  aux  enfans  de  Dieu  qui  sont  au  milieu  de  telles  pollutions,  sinon  d'affliger  leurs  ames  a  l'exemple  du  bon  Lot,  voire  pour  contredire  au  mal,  selon  que  Dieu  leur  en  donnera  le  moyen  et  l'opportunite.  Venons  maintenant  a  specifier  les  idolatries  qui  ont  auiourd'huy  la  vogue.  I'ay  desia  touche  quelque  peu  de  la  Messe.  Or  combien  que  ce  soit  un  blaspheme  si  lourd  et  si  enorme  que  rien  plus,  toutesfois  si  se  trouve-il  encores  des  advocas  de  mauvaise  cause  qui  tergiversent  en  cest  endroit.  Vueillent-ils  ou  non,  ils  sont  contraincts  de  confesser  ce  que  ie  di:  c'est  que  la  Messe  en  soy  est  un  renoncement  de  la  mort  de  Iesus  Christ,  et  un  sacrilege  forge  par  Satan  pour  aneantir  le  sacrement  de  la  Cene.  Ils  ne  peuvent  aussi  nier