7:384  subiissent?  Nugae.  Nam  si  hodie  Parisiensi  Sorbonae  allatum  foret,  Tridentinos  patres  ab  ipsius  decretis,  vel  uno  apiculo  discrepare,  statim,  calefactis  cerebris,  ad  praelium  concurrerent  magistri  nostri:  nec  modo  concilii  autoritatem  pro  nihilo  ducerent,  sed  unumquemque  [pag.  39]  nominatim  laeerarent  atrocissimis  conviciis.  Nunc  si  insulsissimis  quibusque  deliriis  album  calculum  addiderint,  scholae  omnes  Gallicae,  Hispanicae,  Germanicae,  Italicae,  certatim  applaudent.  Quantae  ergo  improbitatis  est,  orbi  christiano  adorandum  obtrudere,  quod  ipsi  intus  nihili  faciunt?  Agedum  tamen,  disputatores  illos,  qui  cudendis  placitis  insudant,  fingamus  non  tantum  mirabili  acumine  doctrinaque  excellere,  sed  angelos  esse  recens  e  coelo  delapsos.  Tantum  praeterea  absurdum  adversariis  ignoscamus,  concilium,  quod  immediato  spiritus  afflatu  regi  fastuose  praedicant,  a  paucis  hominibus  emendicare,  quod  orbi  universo  quasi  divinitus  allatum  ingerat.  At  ne  sic  quidem  unciam  fidei  Tridentina  synodus  obtinebit.  Nihil  enim  illic,  nisi  ex  unius  Romani  pontificis  nutu,  statuitur.  Quare  omittant  in  posterum  istas  ampullas:  non  hominibus,  sed  Deo  repugnare,  qui  concilii  placita  respuit.  Illos  enim  nihil  esse,  nisi  organa:  hunc  praesidem,  qui  mentes  et  linguas  spiritu  suo  moderetur.  Si  ita  esset,  nimis  in  spiritum  sanctum  contumeliosos  esse  ipsos  dico,  cuius  reprehensorem1)  faciunt  papam  suum,  dum  ipsius  arbitrio  censuraeque  subiiciunt  omnia.  Ego  de  rebus  vulgo  tritis  loquoi.  Simul  atque  compositum  est  decretum  aliquod,  [pag.  40]  Romam  volitant  cursores:  veniam  pacemque  exposcunt  a  pedibus  idoli  sui.2)  Privatis  suis  consultoribus  examinandum  tradit  sanctissimus  pater,  quod  est  allatum.  Demunt  illi,  addunt,  et  mutant  quod  videtur.  Redeunt  cursores,  sessio  indicitur.  Recitat  notarius,  quod  improbare  nemo  audeat.  Asini  auribus  annuunt.3)  En  oraculum,  quod  religione  totum  mundum  obstringat.  Cur  non  aperte  fatentur  quod  res  est?  Monachos  decem  aut  viginti,  quorum  conductas  habent  operas,  decreta  consarcinare,  Papam  censorio  stylo  confodere,  si  quid  non  arridet,  caetera  comprobare  :  nihil  aliud  concilio  reliquum  fieri,  quam  promulgandi  onus.  Olim  quod  consultaverat  Romanus  senatus,  plebs  sciscebat.  Papa  vero  sciscendi  iure  minime  contentus,  sibi  praeterea  in  synodi  consultis  sumit  corrigendum  quidquid  non  adlubescit.  Nimis  quidem  superbe,  si  praesidere  illic  spiritum  sanctum  putat.  Nobis  vero  impune,  opinor,  contemne  relicebit,  quod  a  talibus  magistris  compositum,  a  tali  Aristarcho  1)  son  contrerolleur.  2)  pour  savoir  ce  qu'il  plaira  a  leur  idole  d'en  ordonner.  3)  Messieurs  les  asnes  haissent  les  aureilles  pour  faire  semblant  d'y  consentir.