54:384  quel  il  a  donne  toute  puissance  et  seigneurie  sur  nous.  Car  les  Turcs  protesteront  assez  d'adorer  Dieu,  mais  cependant  ils  se  forgent  une  idole,  d'autant  qu'ils  se  separent  de  Iesus  Christ.  Or  qui  n'a  point  le  Fils,  ii  n'a  point  le  Pere,  comme  dit  sainct  Iehan  en  sa  Canonique.  Autant  en  est-il  des  Iuifs,  et  tous  Payens.  Et  les  Papistes,  combien  qu'ils  se  vantent  assez  de  croire  en  Dieu,  si  est-ce  que  leur  incredulite  se  monstre,  pource  qu'ils  resistent  a  l'Evangile,  et  qu'ils  ne  peuvent  pas  adorer  le  Fils  de  Dieu,  voire  se  soumettans  du  tout  a  ca  doctrine  pour  luy  obeir:  d'autant  qu'ils  n'ont  point  cela,  nous  les  pouvons  appeller  incredules.  Et  pensonsnous  donc  que  Dieu  nous  recoive  au  nombre  des  siens,  sinon  que  nous  rendions  toute  suietion  a  nostre  Seigneur  Iesus  Christ?  Quand  il  nous  envoye  ses  Apostres,  que  nous  scachions  qu'il  nous  est  constitue  Roy,  afin  que  nous  soyons  son  peuple:  que  le  sceptre  par  lequel  il  nous  doit  gouverner,  c'est  son  Evangile,  et  que  les  hommes  qu'il  nous  constitue,  representent  sa  personne.  Si  nous  n'avons  cela,  ne  pensons  point  que  Dieu  nous  recoive,  et  mesmes  il  nous  coustera  bien  cher  de  nous  estre  glorifiez  du  nom  de  Chrestiente,  sinon  que  nous  ayons  ce  qui  nous  est  ici  declare  par  sainct  Paul,  c'est  d'escouter  le  Fils  de  Dieu  quand  il  parle  a  nous,  voire  par  la  bouche  des  hommes  mortels.  Car  (comme  i'ay  dit)  il  ne  faut  pas  que  nous  attendions  qu'il  descende  du  ciel:  c'est  assez  qu'il  nous  suscite  gens  qui  nous  portent  fidelement  sa  parole,  qui  soyent  comme  instrumens  de  son  sainct  Esprit,  qui  recoivent  de  luy,  afin  de  nous  le  dispenser  sans  mettre  rien  de  leurs  songes  ni  fantasies.  Quand  donc  nostre  Seigneur  Iesus  Christ  nous  fait  ceste  grace,  c'est  bien  raison  que  nous  soyons  obeissans  et  paisibles  pour  recevoir  ce  qui  nous  est  apporte  en  son  nom.  Voila  donc  ce  que  nous  avons  a*  retenir.  Or  sainct  Paul  adiouste  encores  un  mot  qui  est  bien  digne  d'estre  observe:  ascavoir  qu'il  est  Apostre  selon  la  foy  commune  (dit-il)  des  eleus  de  Dieu.  En  parlant  ainsi,  il  s'adioint  avec  tous  les  Patriarches  et  saincts  Peres  qui  avoyent  vescu  des  le  commencement  du  monde,  et  avec  tous  les  fideles  qui  estoyent  de  ces  temps-la.  Et  par  consequent  il  monstre  que  tous  ceux  qui  ne  voudront  point  recevoir  sa  doctrine,  se  retranchent  et  se  bannissent  de  l'Eglise  de  Dieu,  et  qu'ils  sont  reprouvez.  Car  s'ils  estoyent  de  la  compagnie  des  eleus,  ils  s'adioindroyeat  a  luy,  d'autant  que  son  Apostolat  n'a  rien  de  separe  d'avec  la  foy  de  tous  eleus.  Or  sainct  Paul  exprime  ici  ce  que  nous  avons  desia  touche  en  brief:  c'est  ascavoir  que  ce  n'est  pas  une  dignite  oisive  que  l'office  d'Apostre,  mais  que  c'est  une  charge  qui  luy  est  commise  de  Dieu,  voire  pour  anoncer  purement  sa  verite.  Et  en  cela  voyons-