52:384  quid  ex  scripturis  discamus,  nimis  longum  esset  explicare:  et  iam  prius  breviter  summam  notavit  sub  fidei  nomine.  Haec  igitur  praecipua  est  scientia,  fides  in  Christo.  Hanc  sequitur  institutio  formandae  vitae:  accedunt  stimuli  exhortationum  et  reprehensionum.  Ita  qui  scripturis  rite  uti  scit,  huic  nihil  ad  salutem,  nihil  ad  bene  vivendum  deest.  Redargutio  et  correctio  parum  differunt,  nisi  quod  posterius  ex  priore  manat.  Nam  resipiscentiae  initium  est  malorum  nostrorum  agnitio,  et  divini  iudicii  sensus.  I  n  s  t  i  t  u  t  i  o  in  i  u  s  t  i  t  i  a  pie  sancteque  vivendi  rationem  significat.  17.  Ut  integer  sit.  Integer  pro  absoluto  capitur,  in  quo  nihil  sit  mutilum.  Simpliciter  enim  asserit  scripturam  ad  perfectionem  sufficere.  Ergo  quisquis  scriptura  contentus  non  est,  plus  sapere  expetit  quam  oporteat  vel  expediat.  Verum  hic  obiicitur  quaestio:  quum  Paulus  de  scriptura  loquatur,  quae  censetur  sub  nomine  veteris  testamenti,  quomodo  ea  dicatur  hominem  omni  ex  parte  absolvere.  Nam  si  ita  est,  videtur  esse  supervacuum  quidquid  deinde  per  apostolos  accessit.  Respondeo,  quantum  ad  substantiam  spectat,  nihil  fuisse  additum.  Nihil  enim  continent  apostolorum  scripta  quam  meram  ac  germanam  legis  et  prophetarum  explicationem  una  cum  rerum  exhibitione.  Proinde  hoc  elogio  non  male  scripturam  Paulus  ornavit:  et  quum  hodie  plenior  sit  et  luculentior  evangelii  accessione  eius  doctrina,  quid  dici  potest,  nisi  certo  sperandum1)  ut  multo  magis  se  exserat  ista  utilitas  quam  Paulus  praedicat,  si  nobis  ipsam  experiri  libeat  ac  percipere?  CAPUT  IV.  1.  Obtestor  igitur  ego  coram  Deo  et  Domino  Iesu  Christo,  qui  iudicaturus  est  vivos  et  mortuos  in  apparitione  sua  et  in  regno  suo:  2.  praedica  sermonem^  insta  tempestive,  intempestive:  argue,  increpa,  hortare  cum  omni  lenitate  et  doctrina.  3.  Nam  erit  tempus  quum  sanam  doctrinam  non  sustinebunt:  sed  iuxta  concupiscentias  suas  coacervabunt  sibi  doctores,  ut  qui  prurient  auribus:  4.  et  a  veritate  quidem  aures  avertent:  ad  fabulas  autem  convertentur.  1.  Obtestor  igitur.  Notanda  est  diligenter  illatio:  quia  apte  scripturam  cum  praedicatione  connectit.  Quo  etiam  refellitur  quorundam  fanaticorum  arrogantia,  qui  doctorum  opera  se  nihil  amplius  indigere  iactant,  quia  abunde  scripturae  lectio  sufficiat.  Atqui  Paulus  ubi  de  scripturae  utilitate  disseruit,  non  tantum  infert  ipsam  esse  omnibus  legendam,  sed  doctores  eam  debere  administrare:  l)  futurum.