5:384  fit  obtusior,  vestros  id  animos  moveat,  aut  in  diversam  et  contrariam  trahat  partem.  Odisse  forsitan  personas  nostras  potestis,  si  id  ab  evangelio  conceditur,  doctrinam  certe  et  fidem  habere  odio  non  debetis.  Scriptum  est  enim:  Quae  dicunt  facite.  Neque  vero  nos  aliud  dicimus',  quam  quod  nostram  vestrae  salutis  cupiditatem  vobis  indicamus.  Quae  si  a  vobis,  Gebennenses  carissimi,  in  bonam  partem  fuerit  accepta,  si  me  amantissimum  vestri  gratis  animis  audiveritis:  non  poenitebit  vos  profecto,  et  apud  Deum  recuperatae  pristinae  gratiae  vestrae,  et  apud  homines  laudis.  Ego,  quae  meae  partes  sunt,  et  quod  benevolentia  erga  vos  mea  mihi  praescribit,  assiduus  ero  ad  Deum  pro  vobis  deprecator,  meo  quidem  ipse  indignus  vitio,  sed  forsitan  caritas  efficiet  me  dignum.  Tum  autem  quidquid  valeo  possumque,  etsi  id  quoque  parvum  admodum  est,  sed  si  quid  est  in  me  ingenii,  consilii,  autor  itatis,  diligentiae,  id  ita  vobis  totum  et  vestris  opportunitatibus  defero,  ut  pro  magno  meo  commodo  habiturus  sim,  si  vos  aliquod  ^ex  me  commodum  fructumque  meae  operae  et  laboris,  et  in  divinis  rebus,  et  in  humanis,  percipere  potueritis.  Extremum  est,  ut  vos  oreii>,  ut  eum  nuncium  quem  ad  vos  cum  his  literis  misi,  ea  comitate  ac  benignitate  accipiatis,  quam  ei  humanitas  vestra,  [pag.  3lJ  et  ius  gentium,  et  in  primis  christiana  mansuetudo  postulat  et  requirit  :  quod  vobis  honestum,  mihi  autem  vehementer  futurum  est  gratum.  Deus  vos  dirigat  et  propitius  tueatur,  fratres  carissimi.  Carpentoracti  XV.  Calend.  Aprilis,  M.  D.  XXXIX.