49:384  s  cer  i,  familiariter  versari  cum  aliquo  et  eius  consuetudine  implicari.  Porro  commemoratio  ista  ad  exprobrandae  segnitiem  valet,  quod  admoniti  cessaverant.  Addit  exceptionem,  quo  melius  intelligant,  ad  ecclesiae  domesticos  id  proprie  spectare:  quum  de  mundo  fugiendo  non  sint  admonendi.  Interdicit  igitur  in  summa  Corinthiis  eorum  consuetudine,  qui,  quum  se  fideles  profiteantur,  flagitiose  tamen  et  cum  Dei  probro  vivunt.  Perinde  autem  id  eht  ac  si  diceret:  Quicunque  fratres  haberi  volunt,  aut  sancte  honesteque  vivant,  aut  a  piorum  coetu  excommunicentur,  et  ab  eorum  usu  et  consuetudine  abstineant  omnes  boni.  De  impiis  supervacuum  esset  mentionem  facere,  quando  sponte  eos  fugere  debetis,  etiamsi  nihil  moneam.  Caeterum  exceptio  haec  crimen  torporis  auget,  quod  in  sinu  ecclesiae  foverent  hominem  sceleratum.  Turpius  enim  est  domesticos  non  curare  quam  exteros.  10.  Quandoquidem  debuissetis.  In  hoc  praesertim  membro  variant  interpretes.  Dicunt  enim  aliqui:  citius  e  Graecia  migrare  vos  oportet.  Ambrosius  autem:  Potius  vobis  est  moriendum.  Erasmus  resolvit  in  optativum,  ac  si  Paulus  diceret:  Utinam  quidem  e  mundo  liceret  penitus  exire:  sed  quia  id  non  potestis,  saltem  ab  iis  exeatis,  qui  falso  Christianos  se  vocant  et  pessimo  interea  exemplo  vivunt.  Propius  aliquanto  ad  verisimilitudinem  accedit  Chrysostomi  expositio,  secundum  quem  hic  est  sensus:  Quum  iubeo  vos  a  scortatoribus  fugere,  non  quoslibet  intelligo:  alioqui  alium  mundum  quaerere  oporteat.  Vivendum  enim  nobis  est  inter  spinas,  quamdiu  in  terra  peregrinamur:  sed  hoc  tantum  exigo,  ne  vos  commisceatis  cum  scortatoribus,  qui  fratres  censeri  volunt:  ne  videamini  eorum  nequitiam  tolerando,  probare.  Ita  mundi  nomen  hic  pro  vita  praesenti  erit  capiendum,  sicut  Iohan.  17,15:  Non  rogo,  pater,  ut  eos  tollas  e  mundo,  sed  ut  liberes  a  malo.  Adversus  hanc  expositionem  obiici  possit  quaestio,  quum  hoo  dixerit  Paulus  pro  eo  tempore,  quo  permisti  adhuc  impiis  erant  Christiani  et  inter  eos  dispersi:  quid  nunc  agendum  sit,  postquam  omnes  Christo  nomen  dederunt?  Nam  hodie  quoque  e  mundo  migrandum  sit,  si  velimus  malorum  consortium  fugere:  atqui  nulli  extranei  sunt,  ubi  omnes  Christi  nomen  prae  se  ferunt  et  per  baptismum  illi  sunt  consecrati.  Si  cui  Chrysostomum  sequi  libeat,  huic  non  difficilis  erit  responsio,  Paulum  hic  pro  confesso  sumpsisse  quod  verum  est,  ubi  ius  est  excommunicandi,  facile  remedium  esse  quo  segregentur  mali  a  bonis,  si  ecclesiae  officium  suum  faciant.  Adversus  extraneos  nulla  erat  Christianis  iurisdictio  Corinthi,  nec  coercere  dissolutam  eorum  vitam  poterant:  necesse  ergo  illis  fuisset  mundum  relinquere,  si  malos,  quorum  vitiis  mederi  non  poterant,  fugere  voluissent.  Ego  quia  non  libenter  interpretationes  recipio,  quae  aliter  accommodari  verbis  nequeunt  quam  si  verba