41:384  demne  a  la  verite  sans  aucune  feinctise.  Or  ceci  est  bien  necessaire,  car  encores  que  nous  confessions,  que  nous  sommes  pauvres  pecheurs,  que  nul  ne  se  peut  iustifier  toutesfois,  qui  est  celuy  qui  se  connoisse  tel  a  la  verite?  non  pas  pour  dire  seulement,  il  est  vray,  mais  que  entrans  la  dedans  en  nostre  coeur,  nous  sentions  le  iugement  de  Dieu,  qui  nous  presse,  qui  est  celuy  qui  vienne  iusques  la?  Il  y  en  a  bien  peu.  Et  toutesfois  voila  comme  Daniel  y  a  procede.  Or  cependant  ii  nous  faut  tousiours  revenir  a  ce  qui  a  este  touche:  ascavoir  que  quand  Daniel  (un  si  sainct  personnage)  a  conneu  ses  peches,  que  sera  ce  de  nous  donc,  ie  vous  prie?  Gar  si  nous  faisons  comparaison  de  nous  a  luy,  nous  sommes  encores  bien  loing  de  ceste  perfection,  laquelle  il  a  monstree.  Et  cependant,  si  nous  confessons  nos  peches  a  demie  bouche,  il  nous  semble  que  c'est  beaucoup  fait.  Et  encores  craignons  nous  d'exceder  mesure  en  cest  endroit.  Mais  le  diable  a  tellement  regne  en  la  papaute,  qu'ils  en  sont  venus  iusques  la,  d'enquerir  s'il  faut  que  les  hommes  se  confessent  de  leurs  peches.  Oar  ii  pourra  estre  (disent  ils)  qu'ils  ne  connoistront  point  de  peches  en  eux.  Voila  ces  diables  de  caphards,  ces  docteurs  Sorbonistes,  qui  ont  dispute  de  cela,  et  ont  dit:  Et  bien  quant  a  la  confession,  il  se  peut  faire  qu'un  homme  ne  connoistra  point  de  peches  en  luy.  Et  pourtant  il  ne  faudroit  ia  qu'il  se  confessat,  mais  si  faut  il  toutesfois,  qu'il  se  vienne  confesser,  comme  par  obeissance,  pour  monstrer  son  humilite,  et  comme  il  veut  obeir  a  nostre  mere  saincte  Eglise.  Ne  voila  point  un  blaspheme  plus  que  execrable,  voire  duquel  le  Diable  mesmes  auroit  horreur,  de  dire  qu'un  homme  n'aura  nul  besoin  de  se  confesser  devant  Dieu.  Et  toutesfois  il  viendra  la,  pour  faire  la  mine  et  le  badinage.  O!  voila  il  est  vray,  que  ie  ne  suis  point  pecheur,  mais  si  est-ce  que  ie  me  viendray  confesser  par  obeissance.  Voila  des  abominations  si  enormes,  qu'il  seroit  quasi  impossible  de  les  croire,  sinon  que  les  livres  mesmes  en  rendissent  tesmoignage.  Or  quant  a  nous,  nous  ne  scaurions  point  ietter  la  veue  en  quelque  passage  que  ce  soit  de  l'escriture,  que  nous  ne  voions  la  quelque  condemnation  sur  nous,  que  Dieu  ne  nous  remonstre  nos  peches,  et  cela  nous  est  bien  profitable,  car  il  nous  sert  de  nous  humilier,  et  nous  faire  connoistre  quels  nous  sommes,  a  fin  de  ne  rien  presumer  de  nous,  mais  cercher  tout  nostre  bien  en  Dieu.  Or  maintenant  pourquoy  est  il  dict:  Que  Daniel  regarde  devers  Ierusalem  en  priant,  y  a  il  quelque  superstition  en  cela?  Or  notons  que  quand  nous  levons  les  yeux  au  Ciel,  nous  connoissons  la  une  maieste  de  Dieu,  plus  qu'en  tout  le  reste.  Et  mesmes  il  nous  donne  ce  moien  la,  par  lequel  il  se  declare  a  nous,  car  connoissant  nostre  infirmite,  et  que  nous  ne  pou-