7:383  383  ACTA  SYNODI  TRIDENTINAE  384  isti,  de  quibus  loquor,  unquam  gustarunt.  Quam  igitur  misera  christianae  ecclesiae  conditio  futura  est,  si  pro  oraculo  habendum  sit,  quidquid  ipsis  ac  [pag.  37]  paucis  nihilo  melioribus  placuerit?  Et  adhuc  eo  usque  socordes  sunt  plurimi,  ut  quum  audiunt  publicari  sacrae  synodi  placita,  non  cogitent  eos  esse  autores,  quibus  ne  de  minima  quidem  quaestione  fidem  sint  habituri.  Nam  si  in  mentem  hoc  illis  veniret,  protinus  non  sine  stomacho  abiicerent,  calcarentque  pedibus,  quae  nunc  inconsiderato  osculantur.  Quid  enim?  an  iudicio  quidquam  probant?  Minime.  Sed  oculos  perstringit  concilii  reverentia.  At  cuius  est  stultitiae,  quem  asinum  esse  scias,  sub  leonis  pelle  tanquam  formidabilem  vereri?  At  iam  subit,  quid  rursum  obiici  queat  a  parte  adversa:  non  solis  episcopis  commissas  esse  decernendi  partes.  Intelligo.  Atque  id  est,  quod  maxime  volebam.  Sunt  enim  garruli  quidam  et  audaces  monachi,  quorum  alii  mitras,  alii  galeros  aucupantur:  omnes  certe  Romano  pontifici  buam  loquacitatem  venditant.  Fingamus  porro,  eximios  esse,  ac  eruditione  non  vulgari  theologos.  Hoc  tamen  habeo,  venerandis  patribus,  ex  quorum  nutu  pendet  tota  religio,  sophistas  nescio  quos  verba*)  praeire,  ut  eorum  dictata  nobis  deinde  cantillent.  Quorsum  autem  attinet,  eos  tam  altum  suggestum  conscendere,  ut  tanquam  semidei  ex  alto  pronuncient  quod  illis  ex  inferiore  subsellio  praescriptum  [pag.  38]  est?2)  Ubi  illa  ecclesiae  repraesentatio,  cui  spiritum  sanctum  alligant,  si  coguntur  aliunde  precario  mutuari  quod  opus  est,  ne  aut  sileant,  aut  perperam  loquantur?  Vestrum  est  axioma,  qualiscunque  sit  coetus,  cui  nomen  universalis  concilii  imponitis,  illic  spiritum  sanctum  praesidere,  ut  nihil  inde  manare  queat,  nisi  coeleste  ac  divinum.  Interea  famelicos,  et  venalis  linguae  monachos  praeficitis,  quos  spiritus  iste  vester,  quem  fingitis,  auscultet.  Atqui  longis  et  accuratis  disputationibus  agitant  illi,  quidquid  a  patribus  est  definiendum.  Nempe  ita  audivi:  stridulum  nescio  quid  ipsos  rixando,  tanquam  ranas  Aristophanis,  coaxare.  Inde  confici  praeclara  ista  decreta,  quae  deinde  spiritus  sancti  responsa  iactantur.  8)  Quid  enim  dissimulanter  agerem  in  re  notissima?  Certum  est,  nullam  esse  tam  obscuram  scholam  quae  non  prae  se  despiciat  quidquid  est  Tridenti  theologorum.  Quid  igitur?  An  eos,  simul  atque  locum  mutaverint,  repentino  afflari  numine  putabimus,  ac  si  Phoebades  Delphicam  cortinam  1)  Recentiores,  Beza  duce,  scribunt:  verbis.  2)  pour  dire:  Nous  sommes  l'Eglise,  nous  sommes  les  organes  du  sainct  Esprit,  et  cependant  ilz  n'auront  rien  a  dire,  si  non  ce  que  les  cagotz  leur  soufflent  en  l'aureille.  3)  Ie  l'ay  ainsi  entendu:  et  chascun  est  bien  informe  que  ces  moynes  fallourdiers  barbouillent  le  papier  pour  composer  ce  qui  doit  estre  apres  tenu  pour  revelation  du  S.  Espnt.