54:383  383  SERMON  I  384  sinon  par  leur  faute,  tellement  qu'ils  seront  tousiours  coulpables  de  leur  mal.  Il  est  vray  qu'ils  ne  laisseront  point  de  faire  couleur  de  leur  ignorance:  mais  ils  ne  se  ioueront  point  a  Dieu,  que  leur  malice  ne  soit  tousiours  cognue.  Brief,  iamais  les  hommes  ne  faillent  que  ce  ne  soit  de  leur  bon  gre.  Car  (comme  i'ay  dit)  il  y  aura  tousiours  de  l'hypocrisie  avec  ignorance,  ou  de  la  nonchalance,  ou  de  la  rebellion  manifeste.  Les  uns  voudront  despiter  Dieu:  les  autres  seront  hypocrites,  et  se  contenteront  d'avoir  des  menus  agios,  et  choses  frivoles  pour  s'aquitter  envers  Dieu:  ils  auront  leurs  belles  devotions.  Les  autres  seront  enyvrez  aux  vanitez  de  ce  monde,  ils  auront  leurs  negoces  et  solicitudes  qui  les  empeschent  de  regarder  a  Dieu,  tellement  qu'ils  seront  nonchalans:  on  aura  beau  parler  a  eux,  ce  leur  sera  tout  un,  ce  qui  entre  par  une  aureille,  eschappe  par  l'autre.  Et  pourquoy?  Ils  sont  desia  preoccupez  de  choses  contraires.  D'autant  plus  donc  nous  faut-il  bien  noter  ce  passage:  c'est  ascavoir  quand  on  nous  parle  de  la  parole  de  Dieu,  et  que  ceux  qui  la  preschent,  protestent  que  ce  n'est  point  de  leur  fantasie,  mais  que  Iesus  Christ  qui  eu  a  toute  maistrise  et  authorite,  leur  en  a  establi  cest  ordre,  qui  doit  estre  sacre  et  inviolable  iusques  a  la  fin  du  monde  :  que  nous  soyons  attentifs  a  cela,  qu'un  chacun  escoute,  et  que  nous  enquerions  songneusement  si  c'est  le  Fils  de  Dieu  qui  parle  ainsi  a  nous,  afin  de  luy  rendre  l'hommage  qu'il  merite:  comme  nous  oyons  qu'il  dit,  Baisez  le  Fils.  Que  donc  il  soit  servi  et  honore  de  nous,  autrement  voila  Dieu  qui  est  outrage,  nous  taschons  d'abolir  sa  maieste  et  sa  gloire,  entant  qu'il  nous  est  possible,  et  sommes  coulpables  d'un  tel  sacrilege,  quelque  belle  protestation  que  nous  scachions  faire.  Or  ici  sainct  Paul  monstre  que  tous  ceux  qui  anoncent  la  doctrine  de  Iesus  Christ,  sont  vrais  serviteurs  de  Dieu.  Et  pourquoy?  D'autant  que  le  Pere  et  le  Fils  sont  un:  non  seulement  pource  que  le  Fils  est  de  l'essence  du  Pere,  mais  il  y  a  un  accord  sur  tout,  quand  le  Pere  se  represente  a  nous  eu  la  personne  de  son  Fils,  comme  Iesus  Christ  mesme  proteste,  Qui  croit  en  moy,  il  ne  croit  point  en  moy,  mais  en  celuy  qui  m'a  envoye.  Comme  s'il  disoit,  qu'il  n'a  rien  de  son  propre  entant  qu'il  est  homme  mortel:  mais  comme  il  est  descendu  du  ciel,  et  qu'en  luy  habite  toute  plenitude  de  divinite,  si  nous  croyons  en  luy,  nous  serons  conduits  a  la  gloire  immortelle  de  nostre  Dieu:  car  c'est  luy  par  lequel  nous  sommes  creez  et  formez,  et  par  lequel  nous  sommes  conservez  et  maintenus.  Voila  donc  ce  que  nous  avons  a  observer,  quand  sainct  Paul  se  declare  serviteur  de  Dieu,  estant  Apostre  de  Iesus  Christ.  Et  cependant  cognoissons  que  pour  estre  receus  et  advouez  de  Dieu,  il  faut  en  premier  lieu  que  nous  obeissions  a  son  Fils,  au-