52:383  383  EPIST.  PAULI  AD  TIMOTHEUM  II  384  quod  breviter  perstrinxerat.  Ac  primum  quidem  ab  autoritate  scripturam  commendat:  deinde  ab  utilitate  quae  inde  provenit.  Ut  scripturae  autoritatem  asserat,  d  i  v  i  n  i  t  u  s  esse  i  n  s  p  i  r  a  t  am  docet  Nam  si  ita  est,  nihil  amplius  restat  controversiae  quin  reverenter  suscipienda  sit  ab  hominibus.  Hoc  principium  est  quod  religionem  nostram  ab  aliis  omnibus  discernit,  quod  scimus  Deum  nobis  loquutum  esse,  certoque  persuasi  simus,  non  ex  suo  sensu  loquutos  esse  prophetas,  sed  ut  erant  spiritus  sancti  organa,  tantum  protulisse  quae  coelitus  mandata  fuerant.  Quisquis  ergo  vult  in  scripturis  proficere,  hoc  secum  inprimis  constituat,  legem  et  prophetias  non  esse  doctrinam  hominum  arbitrio  proditam:  sed  a  spiritu  sancto  dictatam.  Si  quis  obiiciat,  undenam  id  sciri  possit:  respondeo,  eiusdem  spiritus  revelatione  tam  discipulis  quam  doctoribus  Deum  patefieri  autorem.  Neque  enim  Moses  et  prophetae  temere  prodiderunt  quae  habemus  ex  eorum  manu:  sed  quum  Dei  impulsu  loquerentur,  confidenter  ac  intrepide,  ut  res  erat,  testati  sunt  os  Domini  loquutum  esse.  Idem  ergo  spiritus,  qui  Mosen  et  prophetas  vocationis  suae  reddidit  certiores,  nunc  quoque  testatur  cordibus  nostris,  eorum  se  ministerio  usum  esse  ad  nos  docendos.  Itaque  non  mirum  si  plerique  de  autore  scripturae  dubitent.  Nam  utcunque  illic  Dei  maiestas  se  ostendat:  non  tamen  habent  oculos  nisi  qui  sunt  a  spiritu  sancto  illuminati,  ut  cernant  quod  omnibus  quidem  esse  debebat,  solis  tamen  electis  est  conspicuum.  Hoc  prius  est  membrum:  eandem  scripturae  reverentiam  deberi  quam  Deo  deferimus,  quia  ab  eo  solo  manavit,  nec  quidquam  humani  habet  admistum.  Et  utilis,  ete.  Sequitur  nunc  altera  pars  commendationis,  quia  perfectam  bene  beateque  vivendi  regulam  contineat.  Quod  quum  dicit,  significat  eam  corrumpi  pravo  abusu,  ubi  non  quaeritur  haec  utilitas.  Atque  ita  oblique  nebulones  illos  perstringit,  qui  vanis  speculationibus,  tanquam  vento,  populum  pascebant.  Qua  ratione  possumus  hodie  damnare  omnes  qui,  posthabito  aedificationis  studio,  argutas  tantum  et  frivolas  quaestiones  agitant.  Imo  quoties  frivolae  eiusmodi  argutiae  ingeruntur  in  medium,  hoc  clypeo  repelleiidae  sunt,  quod  utilis  sit  scriptura.  Unde  sequitur,  nefas  esse  eam  tractare  inutiliter.  Neque  enim  vel  curiositati  nostrae  obsequi,  vel  ostentationi  indulgere,  vel  fabulandi  et  garriendi  dare  materiam  voluit  Dominus,  quum  scripturas  nobis  tradidit:  sed  prodesse.  Proinde  rectus  scripturae  usus  ad  profectum  tendere  semper  debet.  Ad  doctrinam.  Hic  per  species  enumerat  quam  varia  sit  ac  multiplex  utilitas.  Ac  primo  quidem  loco  ponit  doctrinam:  sicuti  ordine  alia  omnia  praecedit.  Frustra  enim  horteris  vel  arguas,  nisi  prius  docueris.  Sed  quia  saepe  friget  per  se  doctrina,  addit,  r  e  d  a  r  g  u  t  i  o  n  em  et  correctionem.  Porro