49:383  383  EPIST.  PAUL1  AD  CORINTHIOS  I  384  illic  sanguinis  adspersione  populus  reconciliabatur  Deo.  Non  est  autem  reconciliatio  absque  sacrificio.  Deinde  id  palam  nunc  apostolus  confirmat:  nam  verbo  frosaite  utitur,  quod  sacrificiis  aptum  est:  nec  aliter  staret  eius  contextus.  Immolabatur  ergo  agnus  quotannis,  sequebatur  deinde  epulum,  cuius  celebritas  septem  dies  continuos  durabat.  Christus,  inquit  Paulus,  est  pascha  nostrum,  is  semel  immolatus  fuit  :  et  quidem  hac  lege  ut  vis  immolationis  unicae  sit  aeterna.  Restat  nunc  ut  vescamur:  non  quotannis  semel,  sed  perpetuo.  In  hac  vero  sacri  epuli  solennitate  abstinendum  a  fermento  nobis  est:  sicut  patribus  abstinere  Deus  praecepit,  sed  quali  fermento?  sicut  illis  pascha  fuit  externum  veri  paschatis  figura:  ita  etiam  accessiones  figurae  erant  eius  veritatis,  quam  hodie  tenemus.  Si  ergo  Christi  carne  et  sanguine  pasci  velimus,  afferamus  ad  hoc  epulum  sinceritatem  et  veritatem.  Hi  sint  nostri  azymi  panes,  facessat  omnis  malitia  et  pravitas1):  quoniam  paschati  fermentum  miscere  nefas  est.  In  summa,  nos  tunc  fore  Christi  membra  testatur,  si  militiae  et  fraudulentiae  renuntiemus.  Interea  notandus  est  hic  locus,  unde  patet,  vetus  pascha  non  praeteriti  modo  beneficii  (Avrcjxoauvov  fuisse,  sed  venturi  etiam  Christi  sacramentum  :  a  quo  hoc  habemus,  ut  transeamus  de  morte  in  vitam.  Alioqui  non  staret  illud,  corpus  legalium  umbrarum  esse  in  Christo.  Valebit  etiam  hic  locus  ad  refellendum  missae  papalis  sacrilegium.  Neque  enim  quotidie  offerri  Christum  Paulus  docet,  sed  peracto  semel  sacrificio,  hoc  restare  ut  spirituale  epulum  tota  vita  celebretur.  9.  Scripsi  vobis  in  epistola,  ne  commisceamini  scortatoribus:  10.  neque  in  universum  scortatoribus  mundi  huius,  .vel  avaris,  vel  rapacibus,  vel  idololatris:  quandoquidem  debuissetis  ex  hoc  mundo  exire.  l  l  .  Nunc  autem  scripsi  vobis,  ne  commisceamini:  si  is,  qui  frater  nominatur,  vel  scortator  sit,  vel  avarus,  vel  idololatra,  vel  maledicus,  vel  ebriosus,  vel  rapax:  cum  tali  ne  cibum  quidem  sumatis.  12.  Quid  enim  mea  refert  extraneos  iudicare?  annon  eos  qui  intus  sunt  iudicatis?  13.  Extraneos  vero  Deus  iudicat:  eiicite  scelestum  ex  vobis  ipsis.  9.  Scripsi  vobis  in  epistola.  Ista  epistola,  de  qua  loquitur,  hodie  non  exstat.  Nec  dubium  quin  multae  aliae  exciderint  :  sed  satis  est  quod  nobis  supersunt,  quas  sufficere  Dominus  providit.  Caeterum  hic  locus  propter  obscuritatem  ad  varios  sensus  torquetur:  quibus  refellendis  non  puto  mihi  necesse  esse  immorari,  si  eum,  qui  mihi  genuinus  videtur  esse,  protulero.  Reducit  Corinthiis  in  memoriam  quid  illis  iam  praeceperit  :  nempe  ut  ab  improborum  consuetudine  abstinerent.  Hoc  enim  est  com  mi-  *)  nequitia