41:383  383  SERMON  VI.  384  hommes  passent  condemnation,  qu'ils  sont  pauvres  et  malheureux  devant  Dieu,  et  qu'ils  ne  peuvent  pas  se  presenter  devant  luy,  qu'il  ne  les  condemne,  voire  cependant  qu'il  voudra  entrer  en  compte,  et  en  iugement  a  l'encontre  d'eux,  il  n'y  ha  donc  nul  remede  que  celuy  que  nous  propose  David,  Seigneur  n'entre  point  en  compte  avec  ton  serviteur,  car  nulle  creature  vivante  ne  sera  iustifiee  devant  toy.  Voila  David  qui  parle,  et  parle  pour  soy,  combien  qu'il  prononce  en  general,  quelle  esfc  la  condition  de  tout  le  monde.  Il  prie  donc  Dieu  qu'il  ne  vueille  point  examiner  sa  vie,  et  toutesfois  il  est  appele  un  homme  que  Dieu  ha  trouve  selon  son  desir,  mais  il  connoist  que  si  Dieu  ha  mis  quelque  bien  en  luy,  qu'il  y  ha  encores  quelque  residu  de  mal,  qu'il  ne  peut  autre  chose,  sinon  reconnoistre  qu'il  sera  a  condamner  avec  tout  le  reste,  si  ce  n'est  que  Dieu  use  de  pitie  et  de  misericorde  envers  luy.  Quand  David  ha  fait  cette  confession  la,  que  devonsnous  dire?  Ainsi  donc  notons  bien  que  nous  ne  pouvons  nous  approcher  de  Dieu,  sinon  en  reconnoissant  nos  fautes  et  nos  peches,  et  passant  condemnation,  voire,  et  sur  tout  quand  nous  venons  a  prier  Dieu.  Et  puis  il  faut  que  nous  y  venions  avec  une  certaine  confiance  qu'il  nous  sera  propice,  car  nos  oraisons  ne  se  doivent  point  faire  a  l'adventure,  mais  il  faut  que  nous  soions  resolus  que  Dieu  demande  que  nous  venions  a  luy,  et  qu'il  sera  prest  de  nous  recevoir.  Et  sur  quoy  est  fondee  une  telle  confiance?  Nous  ne  pouvons  pas  dire  que  ce  soit  sur  nos  merites,  nenni.  Il  faut  donc  que  nous  aions  nostre  refuge  a  la  remission  de  nos  peches,  il  faut  que  nous  en  facions  confession,  car  nostre  Seigneur  ne  dit  point  qu'il  recevera  a  merci  ceux  qui  se  voudront  absoudre  d'eux  mesmes,  qui  se  veullent  excuser,  qui  se  flattent  en  leurs  vices,  nenni,  mais  il  veut  que  les  hommes  aient  une  deplaisance  d'avoir  mal  fait,  qu'ils  se  condamnent,  qu'ils  redarguent  eux  mesmes,  et  alors  il  sera  prest  de  les  absoudre.  Voila  donc  comme  il  faut  que  toutes  nos  oraisons  soient  fondees  en  cette  confiance,  que  nous  avons,  de  la  bonte  de  Dieu,  et  qu'il  nous  recoive  par  sa  grace,  nous  qui  ne  sommes  pas  dignes  qu'il  nous  tienne  pour  ses  creatures,  combien  qu'il  nous  accepte  pour  ses  enfans.  Or  puisque  nous  n'avons  autre  moien  d'obtenir  telles  graces  de  Dieu,  sinon  en  confessant  nos  peches,  ii  nous  faut  bien  noter  ce  passage,  ou  il  est  dit  :  Que  Daniel  priant  Dieu  s'est  confesse,  se  declarant  pauvre  et  malheureux.  Cependant  nous  avons  aussi  a  noter  qu'une  telle  confession  qu'il  fait  devant  Dieu,  n'est  pas  par  une  ypochrisie,  pour  dire  seulement,  O!  voila  ie  suis  pecheur,  pour  s'acquiter  de  cela  (comme  en  passant),  mais  c'est  que  l'homme  entre  en  sa  conscience,  qu'il  se  connoisse  un  pauvre  pecheur,  et  que  s'estant  conneu  tel,  qu'il  se  con-