20:383  383  EPISTOLAE  4147.4149  384  4147.  BOSQUETUS  CALVINO.  Calvini  laudes,  cui  se  officiis  in  se  collatis  devinctissimum  affirmat.  (Ex  autographo  Cod.  Genev.  113,  fol.  112.)  Mon  Seigneur  Monsr,  despeville.  Car.  Bosquettus  humanissimo  atque  optimo  viro  C.  Passelio  pacem  perpetuam  precatur.  Omnium  post  homines  natos  ingratissimus  videar,  integerrime  Pas.,  nisi  candorem  tuum  humanitati  summae  coniunctum  et  singularem  in  me  et  meos  benevolentiam  memoria  colam  sempiterna.  Nam  vel  hoc  uno  nomine  tibi  me  quam  devinctissimum  si  profitear  nihil  prorsus  affingant.  Id  igitur  si  literis  saltem  non  tester,  quo  tandem  inter  homines  loco  haberi  possim?  Quanquam  certo  scio  hanc  literarum  testificationem  a  te  non  expeti.  Verum  ne  in  tuorum  erga  me  beneficiorum  commemoratione,  mihi  tamen  multo  iucundissima,  sim  prolixior,  hoc  unum  affirmabo,  tuae  in  nos  benevolentiae  tot  tamque  certa  signa  a  te  edita  quum  istic  agerem,  ut  ea  tacere  vel  oblivioni  tradere  nefas  esse  credam.  Te  ad  bene  merendum  de  his  quibuscunque  *)  licet  iam  antea  satis  intellexeram  :  at  cum  re  ipsa  comperio  te  eum  esse  qui  commodis  eorum  studeas  a  quibus  nihil  sperare  possis,  et  quorum  curam  ita  suscipias  ut  ipsi  ne  per  somnium  quidem  id  optaverint,  animum  vere  pium  et  omnino  christianae  religioni  consecratum  agnosco.  Sed  quae  paucis  attigi  sic  accipias  velim  ut  tibi  persuadeas  ab  eo  profecta  qui  tui  nunquam  oblivisci  possit,  et  qui  secum  praeclare  actum  iri  iudicat,  si  quid  unquam  faciat  quod  tibi  gratum  esse  sentiat.  Istaec  ex  animo  dico.  Faxit  Dominus  noster  ut  hoc  brevi  conficiam.  Haec  per  nostrum  singularem  amicum  scripsi  ne  sine  meis  ad  te  literis  istuc  rediret.  Caeterum  mihi  abeunti  te  scripturum  de  eo  negotio  quod  tum  explicasti  promiseras,  ea  tamen  lege,  prius  ut  ab  illo  literas  exspectares.  Iam  si  quid  tuis  responderit  et  id  mihi  significare  tibi  liceat,  erit  gratissimum.  Hic  noster  rem  totam  matri  et  fratri  meo  narravit.  Facile,  ut  spero,  sed  Deo  opt.  max.  favente,  quod  volumus  consequemur.  Ea  non  scribam  quae  commodius  idem  noster  tibi  referet.  Aliud  quod  addam  non  habeo.  Tantum  a  te  vehementer  precabor  nos  ut  vestris  precationibus  Deo  commendetis.  Certiorem  de  his  quae  hic  agun-  4147.  1)  deest  vocabulum.