9:382  cognosci  voluit.  Nam  certe  illic  Essentia  ponitur  tanquam  Dei  definitio.  Verum  ut  obtineat  hic  phreneticus  [pag.  40]  quod  sumit:  vel  non  erit  in  Christo  Dei  natura,  nec  deitatis  plenitudo,  vel  erit  essentia  Dei,  quae  secundum  ipsum  est  patris  persona.  Hoc  modo  patris  personam  in  filium  transfundit.  xxxVi.  Unus  ille  Iehova  non  essentia  dici  debet,  sed  unus  essentiator.  Si  tenuiter  gustasses  hebraicae  linguae  elementa,,  scires  utrumque  exprimi  verbis  Mosis:  nempe  Deum  esse  id  quod  vere  est,  et  quod  aliis  esse  dat.  Caeterum  si  Iehova  est  essentiator,  ut  tu  fateris,  Chritus,  quem  apostoli  plus  decies  Iehovam  esse  affirmant,  non  fuit  essentiatus,  ut  tu  latras.  xxxVii.  Nisi  pater  esset  filii  ac  spiritus  essentiator,  id  est,  suorum  attributorum  per  aeternam  generationem  et  processionem  naturaliter  communicator,  neque  tres  unum  essent,  neque  ulla  reliquarum  personarum  esset  plenus  et  perfectus  Deus.  Quid  phrenetice?  Si  Christus  vere  et  proprie  sit  Deus,  ut  fert  nostra  fides,  an  perfectus  non  erit?  Perfectio  autem  erit  maior,  si  tibi  detur  fuisse  essentiatum,  et  aliunde  habere  ut  sit  Deus,  et  deitatem  eius  ex  transiuoione  principium  habere?  Quid  quod  ante  blaterasti,  pro  modulo  generationis,  finitum  esse  non  immensum  ?  xxxVin.  [pag.  41],  Christus  est  plenus  et  perfectus  Deus:  quia  integram  patris  essentiam,  hoc  est,  deitatis  plenitudinem  suo  modulo  metitur  et  capit.  Eadem  ratione  quilibet  ex  angelis  perfectus  erit  deus  :  quando  omnes  pro  suo  modulo  capiunt  deitatis  plenitudinem.  En  qualis  sit  Christi  deificator  hic  sceleratus  et  quater  periurus  apostata.  XXXIX.  Calumniose  quidam  Christum  esse  secundum  sive  parvulum  alium  a  patre  deum  ex  nostris  assertionibus  imperito  vulgo  persuadere  conantur,  quum  nos  filium  eandem  deitatis  plenitudinem  cum  patre  et  a  patre  habere  constanter  testamur,  firmiter  credimus,  et  diserte  confitemur.  Quod  odiosum  adeoque  prorsus  intolerabile  esse  videt,  cuperet  diluere:  sed  nuper  magis  fuit  disertus  quam  ut  levi  fuco  impietatem  suam  obtegat.  Nobis  vero  quidquam  persuadere  necesse  non  est:  quia  eius  assertiones  sponte  impietatem  suam  produnt.