6:382  exagitandum  sibi  sumit.  Nam  si  ad  conversionem,  inquit,  nihil  potestatis  reliquum  nobis  est,  sed  id  penes  unum  est  Dei  beneplacitum,  ubi,  quando,  et  quomodo  velit,  quid  ludit  operam,  imo  quid  ridiculum  se  facit,  toties,  ut  convertamur,  a  nobis  flagitando?  Magnum  vero  et  absurdum,  si  a  paupere  debitore  iustum  alias  ac  legitimum  nomen  exigatur.  Quanquam  alio  etiam  fine  Dominum  ad  conversionem  hortari  suos,  superius  dictum  est.  Requirit  enim  ab  illis,  quod  simul  promittit  se  daturum.  Ita  praecepto  illos  ad  recipiendam  promissionem  praeparat.  Sed  cur  nos  frustra  verbis  invitat?  Our  non  potius  loquitur  ipse  secum,  ut  convertat,  quos  conversos  velit?  At  quum  eadem  verba,  quae  auribus  loquitur,  simul  digito  suo,  [pag.  208]  hoc  est,  per  spiritum  sanctum  cordibus  inscribat,  ut  ita  spirituale  sit  ministerium  hominis  quo  utitur,  an  nostrum  est,  illi  legem  dicere,  ne  sic  faciat?  At  quid  de  reprobis,  quibus  nihil  exhibetur,  praeter  nudam  et  mortuam  literam?  Respondeo:  proprium  quidem  doctrinae  Dei  esse,  ut  salutaris  sit  audientibus:  ubi  autem  officium  hoc  in  fidelibus  expleverit,  adversus  rebelles  et  obstinatos  paratam  esse  vindictam.  At  Deum  velle  omnes  converti  existimat  Pighius  :  ideoque  pariter  omnibus  suum  auxilium  offerre:  itaque  nostrae  esse  potestatis,  velle  aut  nolle.  Quod  nisi  voluerimus  priores,  ipsum  ad  nos  non  converti.  Hoc  enim  clarissimis  verbis  exprimere  prophetas,  quum  in  Dei  persona  dicunt:  Revertimini,  et  sanabo  vos.  Item:  Revertimini,  et  non  avertam  faciem  meam  a  vobis.  Ego  autem  nihil  in  istis  verbis  contineri  animadverto,  nisi  quod  Deus  se  illis,  et  peccata,  et  poenas,  quibus  propter  peccata  plecterentur,  remissurum  pollicetur,  si  modo  resipuerint.  Iam  quum  poenitentia  sit  spiritualis  a  morte  resurrectio,  nego  eam  magis  in  hominis  esse  potestate,  quam  fuerit  se  creare:  imo  minus:  quanto  scilicet  praestantius  est,  iustum  se  facere,  quam  hominem.  Our  ergo  de  illa  concionantur  prophetae?  Quia  hic  est  regenerationis  ordo,  ut  homines  vera  sui  displicentia,  vero  tum  peccati  odio,  tum  iustitiae  desiderio  amoreque  tacti,  ad  Dei  misericordiam  confugiant.  Sed  cur  Dominus  ab  illis  flagitat,  quod  merum  esse  spiritus  sui  opus  ac  donum  novit?  Quia  utcunque  arcanum  spiritus  sui  sancti  opus  sine  ullo  vel  instrumento  vel  adminiculo  peragere  possit,  externam  tamen  praedicationem  ordinavit,  qua  tanquam  instrumento  uteretur.  Caeterum,  ut  efficax  ac  fructuosum  sit  eiusmodi  instrumentum,  ea  ipsa  verba,  quae  auribus  per  os  hominis  loquitur,  digito  suo  in  corda  insculpit:  ita  ministerium  reddit  spirituale  et  vivum,  quod  alias  literale  et  mortuum  foret.  [pag.  209]  At  ubique  haec  duo  ante  requirit  a  nobis  Deus,  poenitentiam  et  humilitatem,1  quam  se  nobis  propitium  fore  promittat:  sicut  per  Iesaiam  dicit  :  Ad  quem  respiciam,  nisi  ad  humilem,  et  con-