55:382  sententiae  de  patientia,  de  invocatione  Dei,  de  coelestis  doctrinae  praestantia  et  fructu,  de  humilitate,  de  sanctis  exercitiis,  de  linguae  continentia,  de  colenda  pace,  de  reprimendis  cupiditatibus,  de  praesentis  vitae  contemptu:  et  similes,  quas  sigillatim  suis  locis  excutiemus.  Porro  de  autore  maior  aliquanto  est  dubitandi  ratio.  Certum  quidem  est,  non  esse  Zebedaei  filium,  quem  Herodes  paulo  post  Domini  resurrectionem  occidit.  Veteres  fere  consentiunt,  fuisse  unum  ex  discipulis,  cognomine  Obliam,  et  Christi  consanguineo],  qui  ecclesiae  hierosolymitanae  praefuerit.  Et  eundem  esse  arbitrantur,  quem  Paulus  in  epistola  ad  Galatas,  Petro  et  lohanni  annumerat,  quos  dicit  pro  columnis  habitos.  Atqui  inter  tres  columnas  numerari  unum  ex  discipulis,  et  supra  decem  apostolus  efferri,  mihi  non  est  probabile.  Potius  itaque  in  hanc  coniecturam  inclino,  illum  e  quo  loquitur  Paulus,  fuisse  Alphaei  filium.  Quamquam  non  nego  alium  fuisse  ecclesiae  hierosolymitanae  praefectum:  et  quidem  ex  discipulorum  collegio.  Nam  apostolus  non  oportuit  certo  loco  alligari.  Uter  autein  ex  duobus  huius  epistolae  scriptor  fuerit,  asserere  meum  non  est.  Fuisse  certe  Obliam  illum  maximae  apud  Iudaeos  autoritatis,  vel  inde  patet,  quod  quum  factione  impii  pontificis  crudeliter  necatus  esset:  Iosephus  urbis  excidium  aliqua  ex  parte  eius  morti  imputare  non  dubitat.