54:382  qu'il  nous  advoue  pour  ses  enfans,  et  nous  le  despiterons,  et  luy  cracherons  au  visage  entant  qu'en  nous  sera?  Si  nous  disons  que  nostre  intention  n'est  point  telle  :  il  a  declare  qu'il  veut  estre  cognu  par  sa  parole,  voire  et  qu'on  recoyve  ceux  qu'il  a  establis  pour  la  porter,  et  les  appelle  dispensateurs  de  ses  secrets,  gouverneurs  de  sa  maison  :  et  cependant  nous  n'en  tiendrons  conte?  Et  ou  est  l'honneur  que  nous  portons  a  nostre  Dieu?  Car  il  ne  veut  point  estre  transfigure  par  les  meschans.  Il  a  donc  voulu  que  nous  luy  facions  hommage  en  recevant  sa  parole:  comme  il  le  dit  par  son  Prophete  Isaie,  qu'il  a  mis  sa  parole,  afin  qu'elle  soit  receue,  voire  par  la  bouche  des  hommes,  de  main  en  main  iusques  a  la  fin  du  monde.  En  somme  apprenons  d'estre  attentifs  a  escouter  la  doctrine  qu'on  nous  presente  au  nom  de  Dieu,  et  de  l'escouter  avec  telle  humilite,  que  quand  nous  scaurons  que  c'est  Dieu  qui  parle  a  nous,  encores  qu'il  use  du  moyen  des  hommes,  et  de  gens  contemptibles  selon  la  chair,  que  nous  ne  laissions  pas  de  plier  le  col,  et  de  monstrer  que  vrayement  nous  luy  sommes  brebis,  puis  qu'il  luy  plaist  de  nous  estre  Pasteur,  qu'il  n'y  ait  point  de  fierte  en  nous,  que  nous  ne  soyons  point  difficiles  a  gouverner,  mais  que  nous  ayons  cest  esprit  de  mansuetudo  duquel  sainct  Iaques  parle,  quand  il  uous  monstre  la  facon  de  bien  recevoir  la  parole  de  Dieu.  Voila  pour  un  item.  Mais  cependant  notons  aussi  qu'il  nous  faut  estre  certifiez  que  ceux  qui  parlent,  ne  s'ingerent  point  d'eux-mesmes,  qu'ils  ne  nous  apportent  point  leurs  songes  et  resveries,  mais  que  c'est  Dieu  qui  nous  les  envoye.  Et  comment  cognoistrons-nous  cela?  Il  ne  tiendra  qu'a  nous:  seulement  que  nous  ouvrions  les  yeux  et  les  aureilles.  Mais  quoy?  Il  y  en  a  beaucoup  qui  ne  demandent  sinon  de  s'aveugler.  Comme  les  Papistes,  quand  on  leur  dira  qu'il  seroit  bon  de  s'enquerir  de  la  doctrine  qu'on  leur  porte:  non,  ils  ne  le  veulent  point  faire.  Et  pourquoy?  Car  ils  se  iouent  avec  Dieu:  et  ayans  leurs  agios,  leurs  folles  ceremonies,  et  tout  ce  menu  bagage,  il  leur  semble  que  les  voila  bien  acquittez,  et  se  forgent  une  idole  a  leur  plaisir:  tellement  que  iamais  le  monde  n'est  trompe,  sinon  d'autant  qu'il  le  cherche  et  le  desire.  Aussi  de  ces  gaudisseurs  qui  ne  demandent  sinon  d'avoir  toute  licence,  iis  ne  voudront  point  s'enquerir  si  on  les  enseigne  au  nom  de  Dieu,  ou  non.  Ils  auront  bien  ceste  replique  tousiours  en  la  bouche,  Ho,  de  moy,  ie  ne  veux  point  resister  a  Dieu:  mais  que  scay-ie  si  celuy-la  m'anonce  la  parole  de  Dieu?  Voire,  mais  enquiertoy.  Et  ie  n'en  feray  rien,  ie  ne  daigneroye.  Nous  voyons  donc  maintenant  que  tous  ceux  qui  ne  souffrent  point  d'estre  recueillis  a  Dieu,  et  en  son  troupeau,  ne  s'esgarent  qu'a  leur  escient,  et  ne  perissent