52:382  exordium,  oblivisci  et  abiicere  totam  papatus  insti  tutionem.  Quare  non  indifferenter  praecipit  apostolus  Timotheo  ut  traditam  sibi  doctrinam  retineat:  sed  eam  demum  cuius  constat  illi  veritas:  quo  significat  adhibendum  esse  delectum.  /Porro  non  hoc  sibi  arrogat  tanquam  homini  privato,  ut  quod  docuerit,  sit  habendum  pro  oraculo:  sed  confidenter  apud  Timotheum  suam  autoritatem  praedicat,  cui  sciebat  notam  esse  suam  fidem,  et  suam  vocationem  probatam.  Quod  si  certo  persuasus  erat  se  edoctum  esse  a  Christi  apostolo,  inde  statuebat  non  hominis  esse,  sed  Christi  doctrinam.  Hic  locus  admonet,  tam  sedulo  cavendam  esse  obstinationem  in  rebus  minus  compertis  (ut  sunt  omnes  hominum  doctrinae),  quam  Dei  veritatem  inflexa  constantia  retinendam  esse.  Praeterea  hinc  discimus,  fidei  adiunctam  debere  esse  prudentiam,  quae  inter  Dei  et  hominum  sermonem  discernat,  ne  temere  arripiamus  quidquid  proponitur  in  medium.  Nihil  enim  a  fide  magis  alienum  quam  levis  credulitas  quae  promiscue  quidvis  et  a  quovis  amplecti  sustinet.  /Quia  hoc  praecipuum  est  fidei  fundamentum,  scire  Deum  sibi  esse  autorem.  Quod  addit,  c  r  e  d  i  t  am  fuisse  doctrinam  ipsam  Timotheo  ad  a&Crjotv  valet.  Plus  enim  quiddam  est  committi  instar  depositi  quam  simpliciter  tradi.  Porro  Timotheus  non  quasi  unus  quispiam  e  vulgo  edoctus  fuerat:  sed  ut  aliis  fideliter  per  manus  traderet  quod  acceperat.  15.  Et  quod  a  pueritia.  Hoc  quoque  non  vulgare  erat  adiumentum,  quod  a  pueritia  assuefactus  erat  scripturae  lectioni.  Nam  haec  longa  exercitatio  multo  instructiorem  reddere  hominem  potest  adversus  omnes  circumventiones.  Itaque  prudenter  olim  cautum  fuit,  ut  qui  destinabantur  verbi  ministerio,  a  pueris  erudirentur  in  solidiore  pietatis  doctrina,  adeoque  sacras  litteras  penitus  imbiberent,  ne  ad  ipsum  munus  accederent  novi  adhuc  et  tyrones.  Atque  hoc  in  singulari  Dei  beneficio  ponendum  est,  si  quis  ita  fuerit  a  teneris  scripturae  cognitione  imbutus.  Quae  posssunt  te.  Insigne  scripturae  sacrae  encomium,  quod  non  aliunde  petenda  sit  sapientia  quae  ad  salutem  sufficiat:  sicuti  etiam  proxima  sententia  plenius  exprimit.  Verum  simul  quid  in  scriptura  ipsa  quaerendum  sit,  admonet.  Nam  et  pseudoprophetae  eam  praetexunt.  Quare  ut  nobis  ad  salutem  sit  utilis,  tenere  rectum  ipsius  usum  necesse  est.  Quid  enim  si  curiosis  tantum  quaestionibus  quis  indulgeat?  si  in  littera  modo  legis  haereat,  nec  quaerat  Christum?  Quid  si  pervertat  genuinum  sensum  alienis  commentis?  Proinde  non  immerito  nos  ad  fidem  Christi  revocat,  tanquam  ad  scopum  atque  adeo  summam.  Nam  et  ex  ea  dependent  quae  mox  sequuntur.  16.  Omnis  scriptura.  Vel,  tota:  quamquam  ad  sensum  nihil  interest.  Prosequitur  illud  encomium