49:382  iure  suo,  quum  sibi  virtutum  laudem  arrogant  mortales,  sed  inepte  desipere  Corinthios,  qui  sine  materia  cristas  erigunt  Nam  superbiebant  perinde  ac  si  omnia  fuissent  apud  se  aurea:  quum  tamen  tantum  flagitii  ac  dedecoris  inter  ipsos  foret.  An  nescitis.  Ne  putarent  rem  esse  nullius  aut  levis  momenti  tantum  malum  fovere,  ostendit  quam  exitialis  sit  indulgentia  in  hac  parte  et  dissimulatio.  Utitur  autem  proverbiali  sententia,  qua  significat  unius  hominis  contagione  infici  totam  multitudinem.  Habet  enim  haec  paroemia  hoc  quidem  loco  eundem  sensum  cum  illis  Iuvenalis1),  .  .  .  .  grex  totus  in  agris  Vnius  scabie  cadit,  et  porrigine2)  porci:  Uvaque  conspecta  livorem  ducit  ab  uva.  Dixi,  hoc  loco,  quia  alibi  Paulus  diverso  sensu  ipsa  utitur,  sicut  videbimus  (Galat.  5,  9).  7.  Expurgate  ergo.  Quia  similitudimen  mutuatus  erat  a  fermento,  eam  adhuc  retinet:  tametsi  ab  hypothesi  transitum  facit  ad  generalem  doctrinam:  non  enim  amplius  de  incesto  loquitur,  sed  generaliter  eos  hortatur  ad  vitae  puritatem:  quia  non  possimus  in  Christo  manere,  nisi  repurgemur.  Solet  hoc  facere  non  raro:  ut  quum  aliquid  in  specie  dixit,  inde  occasionem  sumat  transeundi  ad  generales  exhortationes.  Fecerat  mentionem  fermenti  alia  de  causa,  sicut  vidimus:  quoniam  haec  eadem  metaphora  congruebat  generali  doctrinae  quam  nunc  subiungit,  eam  hucusque  porrigit.  Pascha  nostrum.  Antequam  ad  rem  veniam,  pauca  dicam  de  verbis.  Vetus  fermentum  eadem  ratione  vocatur  qua  vetus  homo:  praecedit  enim  in  nobis  naturae  corruptio,  antequam  Christo  renascamur.  Vetus  ergo  dicitur  quod  afferimus  ex  utero:  et  interire  debet  quum  renovamur  spiritus  gratia.  Verbum  exu^,  quia  inter  Christi  nomen  et  sacrificii  medium  est,  ad  utrumque  referri  potest.  Ego  ad  sacrificium  retuli,  quamquam  in  eo  parum  est  momenti,  quia  sensus  nihil  mutatur.  'EopxaCwjxev,  pro  quo  Erasmus  reddidit  festum  celebremus,  significat  etiam  post  immolatum  sacrificium  solenni  epulo  communicare:  quae  significatio  praesenti  loco  magis  quadrare  visa  est.  Itaque  sequutus  sum  veterem  interpretem  potius  quam  Erasmum,  quia  hic  sensus  mysterio,  quod  Paulus  tractat,  longe  est  aptior.  Nunc  ad  rem:  Paulus  dum  ad  sanctitatem  vult  Corinthios  hortari,  quod  olim  in  paschate  figuratum  fuit,  impleri  debere  hodie  in  nobis  admonet,  et  quae  sit  veritatis  ad  figuram  analogia,  explicat.  Primo,  quoniam  paschatis  duae  fuerunt  partes,  sacrificium  et  sacrum  epulum  :  utramque  ponit.  Etsi  enim  agnum  paschalem  quidam  pro  sacrificio  non  habent:  ratio  tamen  evincit,  sacrificium  proprie  fuisse:  nam  O  Sat.  II.  79  sq.  2)  Ed.  princeps:  prurigine  27*