20:382  tutus  esse  possit  et  commodius  habitare,  et  habere  homines  magis  suis  moribus  aptos  et  magis  ex  animi  sententia.  Apud  Helvetios  non  video  ubi  invenire  possit  quod  cupit.  Nosti  hominum  mores,  et  quam  parum  illis  cum  Italis  conveniat,  et  quam  pauci  sunt  qui  magni  faciant  tales  viros.  Quid  de  Berna  sperem  nescio,  hoc  praesertim  tempore  quo  Coelius  adeo  reddidit  Italicum  nomen  foetidum.4)  Lausannae  non  videtur  mihi  satis  tutus  futurus.  Apud  vos  tutior  esset,  et  haberet  homines  magis  ex  animi  sententia:  sed  quantum  intelligere  ex  eius  verbis  potui,  eum  paene  pudet  ad  eos  redire  a  quibus  semel  discessit.  Cuperet  revocari  aut  a  vobis  aut  alia  aliqua  honesta  ratione.  Me  rogavit  ut  hac  de  re  tecum  conferrem  et  se  nostro  acquieturum  consilio  recepit.  Te  igitur  oro  ut  ad  me  aut  ad  illum  tuam  super  hac  re  perscribas  sententiam.  Vir  dignus  est  cuius  ratio  habeatur.  Saltem  testemur  omnibus  quibus  poterimus  officiis,  ipsum  et  eius  causam  nobis  curae  fuisse.  Exposuit  mihi  totam  historiam  sui  coniugii5)  cum  ancilla  quam  istic  habuerat,  quod  tandem  in  lucem  produxit.  Scripsi  nuper  quid  impediret  quominus  ad  vos  me  conferrem.  Praestabo  quod  iusseris  si  quid  mea  opera  conferre  possum  post  proximas  ferias.  Claudius  Farellus6)  literis  me  admonuit  ut  istuc  remitterem  literas  ad  se  quas  nuper  ad  me  misisti.  Sed  iam  Neocomum  missae  erant  quum  eius  mihi  literae  redditae  sunt.  Si  adhuc  apud  vos  sit,  eum  curabis  huius  admonitum.  Salutant  te  nostri  omnes,  praesertim  uxor,  cuius  nomine  et  meo  tuam  quoque  salutabis.  Vale  optime  cum  omnibus  collegis  et  symmystis.  Lausannae  2.  Aprilis  1547.7)  Tuus  Petrus  Viretus.  4)  Cf.  N.  837.  5)  Alibi  de  hoc  nihil  accuratius*  Benrath  p  .  194  tacet.  Quum  Ochtnus  m  Angliam  se  contulit  uxorem  secum  non  duxit,  sed  postea  demum  eam  accersivit,  6)  Farello  quatuor  erant  fratres:  Io,  Iacobus  pharmaceuta  Genevensis,  Daniel  qui  in  agro  Vadensi  sedem  fixit,  Gaucherianus  qui  cum  Comite  Guil.  de  Furstemberg  erat,  et  hic  Glaudius  cuius  nomen  saepissime  occurrit  in  nostro  thesauro.  Civis  Genevensis  receptus  fuit  cum  Iacobo  et  Gulielmo  a.  d.  VIL  Idus  Mart.  1537.  (Herm.  IV.  103  not.  6,  145  not  5,  198  not.  10,  212  not  1.)  7)  Calvini  responsum  habes  N.  892.