9:381  381  VALENTINI  GENTILIS.  382  cessio  patris  eminentiam  tuentur,  Turcas,  Iudaeos,  haereticos  sophistasque  prosternunt,  atque  omnes  errores  ab  ecclesia  propellunt.  Plausibilis  color,  quia  filium  Dei  abnegando,  nodum  gordianum  1)  abrumpere  sibi  videtur  Valentinus,  suum  errorem  venditare,  qui  omnibus  aliis  deterior  est.  Sicut  phreneticus  olim  quidam  nullum  melius  compendium  esse  dictitabat  ad  tollenda  sanctorum  patrocinia,  superstitiosas  pro  mortuis  preces,  purgatorii  figmentum,  et  similia,  quam  si  mortem,  animarum  interitum  esse  crederemus.  Atqui  orthodoxa  fides,  quam  tuemur,  hactenus  non  solum  contra  Iudaeos  et  Turcas,  sed  omnes  inferorum  munitiones  praevaluit  :  atque  ita  mendacio  Valentini  non  indiget,  quin  potius  tales  quisquiliab  2)  dissipabit.  XXXII.  Qui  patrem  a  filio,  et  spiritum  sanctum  ab  utroque  hypostatice,  hoc  est,  substantialiter,  distingui  negant,  in  falsa  et  absurda  dogmata  incidunt,  [pag.  39]  omniaque  divina  mysteria  necessario  confundunt.  Tolle  istud  tuum  Substantialiter,  quod  perperam  cum  essentia  confundis,  vera  erit  propositio,  quae  nunc  falsissima  est,  quia  hypostasin  bruta  inscitia  tantundem  valere  putas  atque  οὐσίαν.  XXXIII.  Confusio  trium  in  unum  ei  eundem  numero  spiritum,  fundamentum  et  origo  omnium  errorum  et  impietatum  fuit.  Nempe,  Valentino  autore,  nisi  Deus  in  tres  essentias  dividitur,  concidit  ac  periit  tota  religio.  Quid  enim  sunt  tres  spiritus,  nisi  tripertita  essentia?  xxxiV.  Λόγος  et  spiritus  sanctus  ita  ab  uno  Deo  patre  substantialiter  distincti  sunt,  ut  ab  eius  substantia  separari  non  possint.  Pulchra  vero  connexio,  si  filii  substantia  cum  paterna  cohaereat,  quia  inde  abstracta,  et  ex  traduce  manavit:  sicuti  quibusdam  visum  est  animas  hominum  alias  ex  aliis  originem  ducere.  xxxV.  Una  Dei  essentia  non  est  Deus  ipse,  sed  ipsius  Dei  natura,  sive  deitatis  plenitudo.  Ergo  male  Deus  apud  Mosen  a  suo  Esse3)  1)  rompre  ranguille  au  genouil.  2)  ordures  et  racailles.  3)  par  son  essence  ou  de  son  estre.