8:381  881  L  CONTRE  L'IDOLATRIE.  382  obliquement  nostre  Chrestiente,  que  nous  sommes  doubles  et  nous  polluons  es  choses  que  Dieu  a  mauldietes,  est-ce  pour  torcher  nostre  bouche  et  dire  que  nous  avons  faict  une  petite  faulte?  Ostons  donc  tels  subterfuges,  voyans  qu'ils  ne  nous  servent  qu'a  nous  rendre  plus  hardis  au  mal,  sans  diminuer  nostre  coulpe.  Il  y  en  a  d'autres  qui  sont  plus  effrontez,  car  non  seulement  ils  taschent,  en  desguisant  le  mot,  de  faire  a  croire  que  ce  ne  soit  pas  un  peche  si  grand  ne  si  enorme,  mais  ils  maintiennent  a  pur  et  a  plat  que  ce  n'est  point  peche.  C'est  assez,  disent  ils,  que  Dieu  soit  servi  de  cueur.  Ouy  bien,  si  le  cueur  n'estoit  pas  double.  Car  quand  il  y  a  vraye  integrite,  le  corps  ne  tirera  point  au  rebours.  Ie  leur  demande  que  c'est  qui  porte  leurs  pieds  au  temple  quand  ils  vont  ouir  la  messe:  les  iambes  ne  se  remueront  iamais  de  leur  propre  mouvement.  Ils  sont  doncques  convaincus  qu'ils  ont  quelque  affection  de  servir  aux  idoles,  voire  entant  qu'ils  desirent  de  complaire  aux  ennemis  de  la  verite,  et  que  leur  vie  leur  est  plus  precieuse  que  l'honneur  de-  Dieu.  Mais  encores  leur  impudence  est  par  trop  lourde,  tellement  que  i'ay  honte  de  disputer  a  l'encontre,  comme  s'il  y  avoit  quelque  couleur.  Si  le  fault-il  faire  neantmoins,  veu  qu'ils  s'y  plaisent  tant  et  y  sont  comme  enyvrez.  C'est  assez,  ce  leur  semble,  que  Dieu  soit  adore  en  esprit.  A  qui  sera  doncques  le  corps?  Sainct  Paul  nous  exhorte  a  porter  le  Seigneur  en  tous  les  deux,  pource  qu'ils  sont  a  luy  (1.  Cor.  6,  20).  Dieu  a  cree  le  corps,  et  il  sera  permis  d'en  faire  hommage  au  diable?  Il  vauldroit  mieulx  qu'ils  se  declarassent  tout  oultre  Manicheens,  nians  que  Dieu  soit  createur  de  l'homme  total.  S'ils  avoyent  le  moindre  goust  du  monde  de  l'Evangile,  iamais  ils  ne  se  desborderoyent  en  telle  licence;  car  ils  monstrent  qu'ils  ne  scavent  que  c'est  d'avoir  este  rachetez  par  le  sang  du  Fils  de  Dieu.  Qu'ainsi  soit,  comment  esperons-nous  la  resurrection  de  la  chair,  sinon  d'autant  que  Iesus  Christ  est  redempteur  des  corps  et  des  ames?  Sainct  Paul  nous  advertit  que  nous  ne  debvons  estre  serfs  des  hommes,  puisque  nous  avons  este  achetez  si  cherement  (1.  Cor.  7,  23).  Celuy  doncques  qui  s'addonne  au  service  des  idoles  ne  foulle-il  point  aux  pieds  le  sang  de  Iesus  Christ,  qui  est  le  pris  de  la  gloire  immortelle  que  nous  attendons  en  nos  corps?  Et  quel  propos  y  a-il  que  nos  corps  soyent  souillez  [f.  9]  et  profanez  devant  les  idoles,  puisque  la  couronne  de  vie  leur  est  promise  au  ciel?  Est-ce  le  moyen  d'entrer  au  royaume  celeste  de  Dieu,  que  de  nous  veautrer  au  bordeau  de  Satan?  D'avantage,  ce  n'est  pas  en  vain  qu'il  est  dict  que  nos  corps  sont  temples  du  sainct  Esprit.  Parquoy  ceulx  qui  ne  cognoissent  qu'on  les  doibt  garder  en  toute  sainctete,  monstrent  assez  que  iamais  ils  n'ont  rien