7:381  381  CUM  ANTIDOTO.  382  tyrannis  papatus,  ut  coercendam  esse  non  dubitent,  qui  maxime  eam  [pag.  33]  in  longum  tempus  salvam  volunt.  Ergo  non  abs  re,  tempus  extrahendo,  quamlibet  potentiae  suae  imminutionem  refugere  conatus  est.  Quod  postea  clarius  etiamnum  apparuit.  Quaecunque  enim  praeter  receptum  morem  in  ordinando  suo  concilio  induxit,  totidem  sunt  eius,  quam  notavi,  diffidentiae  argumenta.  Atque  ut  infinita  alia  omittam,  quorsum  tres  legati,  nisi  ut  eorum  unusquisque  aliis  esset  aemulus,  ne  quid  auderent?  Neminem  igitur  invenit  in  sua  cohorte,*)  in  qua  omnes  habet  sibi  prorsus  addictos,  cui  fideret.  Hoc  privatum  fuit  papae  consilium.  Aliud  spectarunt,  qui  praesentem  ecclesiae  statum,  qualiscunque  sit,  convelli  nolunt.  Sic  enim  statuebant:  quidvis  experiri  multo  esse  satius,  quam  de  rebus  hodie  controversis  ullam  cognitionem  suscipere.  Cur  ita?  Partim,  quia  indignum  illis  videtur,  quocunque  foro  disceptationem  movere  de  hominum  placitis,  quae  semel  fidem  obtinuerint:  partim,  quoniam  eos  magis  delectat  violenta  possessio,  quam  ingenuae  gubernationis  species.  Nam  quotusquisque  est  eorum,  qui  papatum  ecclesiarum  praetextu  nunc  tuentur,  qui  non  cupiat  ita  oppressam  esse  christiani  populi  libertatem,  ut  de  corrigendis  ecclesiae  vitiis  nemo  hiscere  audeat?  vel  non  clamitet  supervacuum  esse  concilium,  adeoque  [pag.  34]  atrocem  fieri  prioribus  decretis  iniuriam,  nisi  illis,  sepulta  omni  concilii  mentione  stetur?  Quid  hoc,  inquiunt,  aliud  est,  quam  actum  agere?  Et  quanta  in  posterum  licentia  dabitur  omnia  novandi  et  turbandi,  nisi  rebus  semel  iudicatis  acquiescimus?  Si  oracula  sunt  spiritus  sancti  iam  prius  editae  definitiones,  quis  novae  disceptationis  profectus  erit?  Quorum  omnium  facilis  est  refutatio.  Nam  et  quaestiones  hodie  agitantur,  hactenus  nunquam  rite  discussae:  et  palam  est,  quum  doctrinam,  tum  vero  universam  papatus  administrationem  ita  dissidere  a  plerisque  conciliis  veteribus,  ut  nihil  magis  adversum  fingi  queat:  et  tam  variis  tamque  exitialibus  morbis  oppressa  est  ecclesia,  ut  nullum  unquam  magis  necessarium  fuerit  habendi  concilii  tempus:  si  quidem  legitimum  impetrari  posse,  spes  esset.  Apparet  igitur,  ne  minimo  quidem  pietatis  sensu  tangi,  sed  miserabilem  ecclesiae  interitum  securos  ac  propemodum  hilares  inspicere,  qui  sic  loquuntur.  Quod  autem  rursus  agitari  nefas  esse  ducunt,  de  quibus  semel  pronunciatum  est,  in  eo  nimis  sunt  inepti.  Quid  enim  differet  ab  hominum  decretis  sacrosanctum  Dei  verbum?  Quod  si  autoritates  saltem  ex  melioribus  illis  saeculis  peterent,  quae  et  doctrina  florebant,  et  pietate,  essent  fortassis  ut-  1)  Ainsi  en  toute  sa  bende,  qui  est  comme  une  garenne  ou  formiliere  de  meschans.