6:381  DE  LIBERO  ARBITRIO.  Dei  dono.  Neque  difficilis  est  de  re  ipsa  responsio.  Quidquid  nostrum  est,  pro  eo  accipio,,  quod  est  nobis  proprium.  Hoc  porro  esse  definio,  quod  habemus  in  nobis,  a  Dei  creatione  separatum.  Est  autem  vitiositas,  quae  non  in  aliqua  nostri  parte,  sed  in  tota  natura  haeret.  Eam  enim  totam  in  se  ipso  primus  homo  perdidit,  sicut  et  Augustinus  scribit  ad  Vitalem.  1)  Nunc  qui  inter  primam  naturae  creationem  et  quae  postea  supervenit  ex  peccato  corruptionem  distinguere  poterit,  ab  omni  difficultate  non  magno  se  negotio  expediet.  Sed  Pighius  disputationem  altam  ingreditur:  qua  me  pressius  teneri  putat,  quam  ut  possim  unquam  elabi.  Nam  per  rationem  et  voluntatem,  quas  in  totum  renovari  oportere  contendo,  necessario  aut  rationalis  animae  essentiam,  aut  certe  energias  et  virtutes  inde  scaturientes  intelligit.2)  His  autem  esse  mutuam  inter  se  connexionem,  ut  separari  nihilo  magis  possint,  quam  ab  igne  vis  calorifica,  aut  illustratoria  a  sole.  Fieri  ergo  non  posse  concludit,  ut  nobis  auferantur  voluntas  et  ratio,  nisi  auferatur  et  ipsa  rationalis  animae  substantia,  atque  in  eius  locum  nova  aliaque  anima  succedat.  At  scire  ex  eo  velim,  annon  illis  animae  potentiis  qualitates  accidere  posse  concedat.  Hoc  enim  concesso,  soluta  sunt  illa  vincula,  quibus  me  constringi  gloriabatur.  Quid  respondeat,  nihil  moror.  Dico  sicut  res  ipsa  loquitur,  ratiocinandi  potentiam,  quae  in  mente  sedem  habet,  dico  volendi  facultatem,  quae  in  corde  residet,  vitiatas  [pag.  207]  esse  corruptasque  peccato.  Ista  vitiositate,  quae  totam  hominis  animam  in  suis  potentiis  occupavit,  fieri  dico,  ut  nihil  cogitet,  eligat,  velit,  conetur,  faciat  homo,  nisi  malum.  Atque  hoc  sensu  dico  et  aboleri  et  renovari  oportere,  quidquid  ex  nobis  est.  Subiicio  deinde,  voluntatem  suopte  ingenio  in  eum  modum  a  Deo  aversam,  sola  Dei  virtute  converti,  sic  ut  nullas  in  agendo  partes  habeat,  nisi  quatenus  a  Domino  praevenitur:  atque  ita  quod  alicubi  tradit  Augustinus,  interpretor:  non  praeviam  esse,  sed  pedissequam  in  bono  opere.  Quibus  verbis  nullum  me  in  ea  bonum  motum  .  agnoscere  significo,  qui  non  ex  spiritus  renovatione  fluat.  In  primo  membro  non  ferendam  in  Deum  blasphemiam  contineri  existimat  Pighius,  quia  subindicare  velim,  necessario  aversam  a  Deo  esse  voluntatem,  naturae  vitio.  Sed  quum  satis  ante  demonstraverim,  non  esse  Deo  imputandum,  quod  sibi  mali  homo  sua  culpa  contraxit,  frustra  in  Dei  contumeliam  recidere  causatur,  quod  de  cordis  humani  pravitate  ubique,  vel  me  tacente,  clamat  veritas.  Alterum  tamen  membrum,  ubi  ullas  ad  conversionem  esse  voluntatis  partes  nego,  nisi  quoad  reformata  fuerit,  acrius  1)  Epist.  107.  2)  Sw  emendavit  Beza.  Antea  legebatur:  intelligi.