55:381  381  ARGUMENTUM.  Hano  epistolam  non  sine  certamine  olim  receptam  a  multis  ecclesiis  fuisse,  ex  Hieronymi  Eusebiique  testimonio  notum  est.  Sunt  etiam  hodie  nonnulli  qui  eam  autoritate  dignam  non  censeant.  Ego  tamen,  quia  nullam  eius  repudiandae  satis  iustam  causam  video,  libenter  eam  sine  controversia  amplector.  Nam  quod  videtur  capite  secundo,  gratuitae  iustificationis  doctrina  convelli,  facile  hoc  suo  loco  diluemus.  Quod  autem  parcior  in  praedicanda  Christi  gratia  videtur,  quam  apostolo  conveniat:  certe  non  est  ab  omnibus  exigendum  ut  idem  argumentum  tractent.  Multum  a  stylo  Davidis  distant  Solomonis  scripta.  Nam  quum  hic  posterior  formando  externo  homini,  et  tradendis  politicae  vitae  praeceptis  magis  sit  intentus:  illum  assidue  de  spirituali  tum  Dei  cultu,  tum  conscientiae  pace,  Deique  misericordia,  et  gratuita  salutis  promissione  concionari,  notum  est.  Atqui  non  facit  haec  diversitas  ut  alterum  probando,  alterum  damnemus.  Quin  etiam  inter  ipsos  evangelistas  tantum  est  discriminis  in  illustranda  Christi  virtute,  ut  reliqui  tres  cum  Iohanne  comparati,  vix  scintillas  habeant  pleni  fulgoris  qui  in  ipso  tam  conspicuus  apparet.  Et  tamen  omnes  peraeque  exosculamur.  Quare  mihi  ad  epistolam  hanc  recipiendam  satis  est,  quod  nihil  continet  Christi  apostolo  indignum:  multiplici  vero  doctrina  scatet,  cuius  utilitas  ad  omnes  christianae  vitae  partes  late  patet.  Sunt  enim  hic  insignes