54:381  381  SUR  L'EPITRE  A  TITE.  382  d'ouyr  seulement  un  titre  volage.  Et  voila  qui  a  este  cause  d'abbrutir  le  povre  monde,  comme  auiourd'huy  on  le  voit  en  la  Papaute.  Car  ceux  qui  sont  du  tout  apostats  de  l'Eglise,  ceux  qui  reiettent  furieusement  la  parole  de  Dieu,  diront  toutesfois  qu'ils  veulent  estre  suiets  a  leur  mere  saincte  eglise,  et  sous  ombre  d'humilite  ils  feront  la  guerre  et  a  Dieu,  et  a  sa  parole,  comme  bestes  enragees:  et  neantmoins  en  l'honneur  de  Dieu  ils  s'assuiettiront  a  la  tyrannie  des  hommes.  Et  qui  est  cause  de  cela?  Il  n'y  a  nulle  prudence  ne  discretion,  il  leur  semble  que  c'est  assez  d'avoir  ouy  bien  resonner  ce  mot  d'Eglise.  Or  il  faloit  enquerir  que  c'estoit:  et  quand  le  Pape  s'appelle  vicaire  de  Iesus  Christ,  successeur  de  sainct  Pierre,  il  faloit  scavoir  si  ainsi  est  ou  non:  et  quand  il  aura  approuve  ce  qu'il  dit,  alors  recevoir  sa  doctrine.  Mais  quoy?  On  voit  comme  une  grande  multitude  se  laisser  decevoir:  et  ces  povres  gens  sont  contens  d'avoir  les  yeux  bandez,  et  qu'on  les  traine  par  toutes  erreurs  et  superstitions.  Voila  donc  une  extremite  bien  mauvaise,  quand  sous  ombre  du  nom  de  Dieu,  les  hommes  sont  ainsi  transportez  a  mal.  Mais  il  y  a  un  autre  vice  encores  pire  et  plus  meschant:  c'est  ascavoir,  que  beaucoup  reiettent  toute  doctrine,  et  tout  ioug,  et  ne  leur  chaut  si  on  leur  parle  au  nom  de  Dieu,  ou  comment  que  ce  soit.  Nous  avons  monstre  comme  les  povres  Papistes  s'en  vont  a  perdition,  pource  qu'ils  sont  ainsi  aveuglez  de  recevoir  tout  ce  qui  leur  est  apporte  par  les  hommes,  qu'ils  ne  cognoissent  nullement  ce  qui  est  de  Dieu.  Or  entre  nous  que  trouvera-on?  Beaucoup  diront  assez  en  un  mot  qu'ils  veulent  suyvre  l'Evangile:  mais  cependant  il  ne  leur  chaut  gueres  de  nulle  doctrine,  qu'ils  ne  feront  nulle  difficulte  de  se  mocquer  de  Dieu,  et  de  regimber  a  l'encontre  de  sa  maieste,  et  de  habiller  contre  sa  parole,  et  contre  tous  ceux  qui  la  portent.  Que  vaut  donc  entre  beaucoup  de  gens  auiourd'huy  ce  mot  de  Serviteurs  de  Dieu,  encores  qu'il  soit  bien  approuve?  Rien  qui  soit.  Et  la  on  cognoist  une  impudence  trop  vileine,  que  ceux  qui  veulent  estre  reputez  Chrestiens  (voire  de  honte  qu'ils  ont  d'estre  Turcs,  ou  infideles)  se  despitent  tout  notoirement  contre  Dieu  et  sa  parole,  et  ne  leur  chaut  de  rien  qu'on  puisse  dire.  Or  au  contraire,  advisons  a  nous  :  et  en  premier  lieu  notons  que  pour  estre  cognus  Chrestiens,  ii  faut  que  nous  ayons  ceste  humilite  d'obeir  a  la  doctrine  qui  nous  est  anoncee,  et  de  nous  y  ranger  sans  contredit:  et  quand  nous  oyons  ce  titre  de  Serviteur  de  Dieu,  que  nous  apprenions  que  ce  n'est  pas  un  estat  a  mespriser:  comme  sainct  Paul  l'a  declare  ci  dessus,  que  si  Dieu  constitue  en  sa  maison  ceux  qui  la  doyvent  gouverner,  il  ne  faut  point  les  reietter,  que  nous  ne  soyons  reiettez  quant  et  quant  de  nostre  Dieu.  Est-ce  la  raison