52:381  381  CAPUT  III.  382  13.  Mali  autem  homines  et  impostores  proficient  in  peius,  errantes,  et  mittentes  in  errorem.  14.  Tu  autem  mane  in  iis  quae  didicisti,  et  quae  credita  sunt  tibi,  sciens  a  quo  didiceris.  15.  Et  quod  a  pueritia  sacras  literas  novisti,  quae  possunt  te  eruditum  reddere  ad  salutem  per  fidem  quae  est  in  Christo  Iesu.  16.  Omnis  scriptura  divinitus  inspirata  est  ac  utilis  ad  doctrinam,  ad  redargutionem,  ad  correctionem,  ad  institutionem  quae  est  in  iustitia:  17.  ut  integer  sit  Dei  homo,  (id  omne  opus  bonum  formatus.  13.  Mali  autem  homines.  Ista  est  vel  acerbissima  persequutio,  dum  videmus  impios  cum  sacrilega  sua  audacia,  cum  blasphemiis  et  erroribus  invalescere.  Ita  Paulus  alibi  (Galat.  4,  29)  non  gladio  Ismaelis,  sed  ludibrio  Isaac  suisse  vexatum  tradit.  Unde  etiam  colligere  licet,  proxime  non  unam  duntaxat  persequutionis  speciem  notasse:  sed  generaliter  loquutum  esse  de  molestiis  quas  sustinere  coguntur  filii  Dei,  dum  pro  gloria  patris  sui  certant.  Dixi  autem  paulo  ante  qualis  sit  iste  profectus.  Neque  enim  tantum  obstinatos  ad  resistendum  fore  praedicit:  sed  nocendo  quoque  et  aliis  corrumpendis  habituros  successum.  Plus  enim  semper  ad  destruendum  valebit  unus  nebulo,  quam  decem  fidi  doctores  ad  aedificandum,  quamlibet  strenue  laborent.  Nec  unquam  desunt  Satanae  zizania  quae  puram  segetem  infestent.  Imo  quum  videntur  profligati  pseudoprophetae,  alii  subinde  ex  aliis  pullulant.  Caeterum  inde  nocendi  facultas,  non  quod  suapte  natura  validius  sit  mendacium  veritate,  aut  diaboli  artes  spiritus  Dei  efficaciam  superent:  sed  quod  homines  sponte  iam  ad  vanitatem  et  errores  propensi,  facilius  longe  amplectuntur  quod  ingenio  suo  congruit.  Deinde  quod  iusta  Dei  vindicta  excaecati  ,  trahuntur  tanquam  captiva  mancipia  ad  Satanae  libidinem.  Atque  haec  praecipua  est  causa  cur  tam  efficax  sit  impiarum  doctrinarum  pestis,  quod  ita  meretur  hominum  ingratitudo.  Operae  pretium  autem  est,  huius  rei  admoneri  pios  doctores,  ut  ad  continuam  militiam  se  parent,  ne  diuturnitate  frangantur,  vel  succumbant  proterviae  hostium  ac  insolentiae.  14.  Tu  autem  mane.  Utcunque  grassetur  impietas,  et  ulterius  perrumpat,  iubet  nihilominus  Timotheum  stare.  Et  certe  haec  vera  est  fidei  probatio,  ubi  contra  diabolum  omnia  machinantem  indefesso  studio  obnitimur:  nec  cursum  reflectimus  ad  quemlibet  venti  flatum,  sed  fixi  manemus  in  Dei  veritate,  tanquam  in  sacra  anchora.  Particula,  sciens  a  quo  didiceris,  posita  est  ad  commendandam  doctrinae  certitudinem.  Neque  enim  si  quis  perperam  fuerit  institutus,  in  eo  pergere  debet.  Dediscere  enim  nos  oportet  quaecunque  extra  Christum  habuimus,  si  velimus  esse  eius  discipuli:  quemadmodum  hoc  nobis  purae  in  fide  institutionis  fuit