49:381  381  CAPUT  V.  382  verba  referunt  ad  tale  genus  castigationis,  quemadmodum  exponi  solet  alter  locus  de  Alexandro  et  Hymenaeo,  ad  Timotheum.  Tradere  ergo  Satanae,  nihil  aliud  esse  sentiunt  quam  gravem  aliquam  corporis  poenam  infligere.  Sed  ego  dum  totum  contextum  propius  intueor,  et  simul  confero  quae  in  posteriore  epistola  habentur:  omissa  illa  interpretatione,  tanquam  coacta  et  a  sensu  Pauli  aliena,  de  excommunicatione  simpliciter  accipio.  Est  enim  apta  loquutio  tradere  Satanae  pro  excommunicare:  quia  sicut  in  ecclesia  regnat  Christus,  ita  Satan  extra  ecclesiam  :  quemadmodum  etiam  annotavit  Augustinus,  sermone  De  verbis  apostoli  68,  ubi  locum  hunc  exponit.  Quia  ergo  hac  lege  in  ecclesiae  communionem  recipimur,  et  in  ea  manemus,  ut  sub  fide  simus  tutelaque  Christi:  dico  eum,  qui  eiicitur  extra  ecclesiam,  quodammodo  Satanae  tradi  in  potestatem,  quia  extraneus  fit  et  alienatur  a  Christi  regno.  Particula  quae  sequitur,  in  exitium  carn  i  s  ,  ad  mitigationem  posita  est.  Significat  enim  Paulus,  non  ita  Satanae  permitti  qui  corrigitur,  ut  prorsus  intereat,  vel  ut  diabolo  in  perpetuam  servitutem  dedatur,  sed  esse  damnationem  temporariam:  neque  id  modo,  sed  quae  futura  sit  salutaris.  Quia  enim  spiritus  tam  salus  quam  damnatio  aeterna  est,  damnationem  carnis  pro  temporali  accepit.  Quasi  diceret:  Hic  eum  ad  tempus  damnabimus  in  mundo,  ut  in  regno  suo  eum  Dominus  servet.  Ita  solvitur  obiectio,  qua  nonnulli  refellere  hanc  expositionem  nituntur  :  nam  quum  feratur  in  animam  potius  quam  in  externum  hominem  sententia  excommunicationis,  rogant  qui  conveniat  eam  vocari  carnis  exitium.  Ego  autem  (sicuti  iam  attigi)  respondeo,  hac  tantum  ratione  carnis  exitium  opponi  saluti  spiritus,  quia  illud  temporale  sit,  haec  aeterna.  Quo  sensu  dies  carnis  Christi  vocat  apostolus  ad  Hebraeos  5,  7  curriculum  mortalis  vitae.  Ecclesia  autem,  severe  eos  qui  peccarunt  castigando,  in  hoc  mundo  non  parcit,  ut  Deus  parcat.  De  excommunicationis  ritu,  causis,  necessitate,  finibus,  moderatione  si  quis  habere  plura  volet,  petat  ex  Institutione  nostra.  6.  Non  est  bona  gloriatio  vestra.  An  nescitis  quod  exiguum  fermentum  totam  massam  fermentat?  Expurgate  ergo  vetus  fermentum,  ut  sitis  nova  conspersio,  sicut  estis  azymi:  nam  pascha  nostrum  pro  nobis  immolatum  est,  Christus.  8.  Proinde  epulemur  non  in  fermento  veteri,  neque  in  fermento  malitiae  et  pravitatis,  sed  in  azymis  sinceritatis  et  veritatis.  6.  Non  est  bona.  Gloriationem  eorum  non  ideo  tantum  damnat  quod  se  ipsos  contra  quam  homini  fas  est  efferebant:  sed  quia  sibi  in  vitiis  placebant.  Prius  homines  exinanivit  omni  gloria  :  quia  enim  nihil  est  illis  proprium,  quantumvis  excellant,  omnia  uni  Deo  debere  ostendit.  Hic  vero  non  disputat,  fraudari  Deum