47:381  381  CAPUT  XVII.  382  eiectionis  causam,  a  fide  incipiant  oportet.  Diserte  autem  pronuntiat  Christus,  patris  fuisse  qui  sibi  dantur.  Certum  autem  est  ideo  dari,  ut  credant,  et  fidem  ex  hac  donatione  fluere.  Si  fidei  origo  est  donatio  ista,  et  eam  ordine  ac  tempore  praecedit  electio:  quid  aliud  restat  nisi  ut  fateamur  gratis  eligi,  quos  Deus  e  mundo  vult  servatos?  Iam  quum  Christus  pro  solis  electis  oret,  necessaria  est  nobis  electionis  fides,  si  salutem  nostram  patri  velimus  ab  ipso  commendari.  Gravem  ergo  fidelibus  iniuriam  faciunt,  qui  electionis  notitiam  delere  conantur  ex  eorum  animis,  quod  eos  Christi  suffragio  privant.  Refellitur  praeterea  his  verbis  perversus  eorum  stupor,  qui  electionis  praetextu  sese  ignaviae  dedunt,  quum  potius  acuere  in  nobis  precandi  studium  debeat,  quemadmodum  docet  Christus  suo  exemplo.  10.  Et  mea  omnia  tua  sunt.  Huc  pertinet  prius  membrum,  quod  certo  exaudiendus  sit  a  patre.  Non  alios,  inquit,  tibi  commendo,  nisi  quos  pro  tuis  agnoscis,  quia  nihil  habeo  abs  te  separatum:  repulsam  igitur  non  patiar.  Secundo  membro  ostendit  iustam  sibi  esse  causam,  cur  electos  curae  habeat:  quia  sui  sint,  ex  quo  sunt  patris.  Omnia  haec  ad  fidei  nostrae  confirmationem  dicta  sunt.  Salus  non  alibi  quam  in  Christo  nobis  est  quaerenda.  Christo  non  erimus  contenti,  nisi  sciamus  nos  in  illo  Deum  possidere.  Tenenda  est  igitur  unitas  ista  patris  cum  filio,  quae  facit  ut  nihil  inter  se  divisum  habeant.  Secundo  membro  cohaeret  quod  subiicit,  se  glorificatum  esse  in  discipulis.  Sequitur  enim  aequum  esse  ut  vicissim  eorum  salutem  promoveat:  atque  hoc  confirmandae  fidei  nostrae  optimum  est  symbolum,  quod  salutem  nostram  nunquam  negliget  Christus,  si  in  nobis  glorificatus  fuerit.  11.  Nunc  non  sum  in  mundo.  Alteram  causam  adducit  cur  tam  sedulo  pro  discipulis  oret,  quia  scilicet  mox  destituendi  sint  corporali  eius  praesentia,  sub  qua  hactenus  quieverant.  Quamdiu  cum  ipsis  versatus  erat,  non  secus  ac  gallina  fovebat  eos  sub  alis  suis:  nunc  discedens  petit  a  patre  ut  eos  praesidio  suo  tegat,  idque  facit  eorum  respectu.  Nam  eorum  trepidationi  remedium  affert,  ut  recumbant  in  Deum  ipsum,  cui  nunc  eos  quasi  de  manu  in  manum  tradit.  Hinc  autem  non  parva  nobis  consolatio,  quum  audimus  filium  Dei  eo  magis  de  suorum  salute  sollicitum  esse,  dum  eos  relinquit  secundum  corpus.  Nam  inde  colligendum  est,  nos  hodie  quoque  dum  in  mundo  laboramus  ab  eo  respici,  ut  ex  coelesti  sua  gloria  nostris  aerumnis  succurrat.  Pater  sancte.  In  eum  finem  tendit  tota  precatio,  ne  animis  concidant  discipuli,  quasi  deterior  sit  sua  conditio  propter  corporalem  magistri  absentiam.  Nam  quum  illis  Christus  ad  tempus  datus  esset  custos  a  patre,  nunc  quasi  provincia  sua  defunctus