41:381  381  SUR  LE  VI.  CHAP.  DE  DANIEL.  382  quelque  danger.  Nous  avons  donc  besoing  de  l'aide  de  Dieu  a  chacune  minute  de  temps:  et  puis  il  n'est  pas  question  de  prier  Dieu  tant  seulement  pour  nous,  mais  pour  tous,  et  puis  il  faut  que  nos  requestes  tendent  a  ce  but  et  a  cette  fin,  c'est  a  scavoir  que  Dieu  soit  honore  comme  il  appartient,  bref,  nons  aurons  tousiours  matiere  de  prier  plusque  suffisante,  et  aussi  ceux  qui  sont  exerces  en  cette  doctrine  connoissent  bien  cela,  et  combien  il  est  necessaire  de  prier  en  toute  leur  \iie,  voila  pourquoy  l'escriture  saincte  nous  declare  de  prier  incessamment.  Or  cependant,  pource  que  nous  voions  la  nonchalance  qui  est  en  nous,  il  est  bon  encores  de  nous  accoustumee  en  nous  imposant  quelque  heure  certaine  de  prier  Dieu,  comme  nous  voions  que  nous  en  faisons  envers  les  petis  enfans.  Il  est  vrai  que  nous  ne  dirons  pas  aux  petis  enfans,  qu'ils  prient  incessamment,  mais  nous  adioustons  quelque  chose  pour  les  accoustumes  pour  les  ploier  a  cela,  pour  leur  faire  prendre  comme  une  reigle  certaine:  ainsi  faut-il  que  nous  en  facions,  car  il  est  certain  que  nous  sommes  moins  que  petis  enfans  envers  Dieu.  Ainsi  donc  quand  un  homme  prendra  cette  reigle,  il  me  faut  prier  Dieu  au  soir,  et  au  matin,  et  m'en  allant  coucher,  il  faut  que  par  prieres  et  oraisons  ie  prenne  tout  mon  repos  en  Dieu.  Quand  ie  voudrai  prendre  ma  refection,  que  ie  face  le  semblable,  et  apres  mon  repas  aussi.  Quand  un  homme  s'accoustume  a  cela,  qu'il  s'abstrainct  a  une  telle  necessite,  qu'il  connoist  l'infirmite  qui  est  en  luy,  et  qu'il  n'est  point  asses  adonne  a  prier  Dieu,  qu'il  faut  qu'il  s'incite  par  quelque  moien,  comme  s'il  estoit  un  petit  enfant,  voila  comme  en  connoissant  l'infirmite  qui  est  en  nous,  il  nous  faut  prendre  quelque  coustume  de  prier  Dieu.  Si  Daniel  l'ha  fait,  ie  vous  prie,  que  devons  nous  faire  de  nostre  coste?  voila  comme  un  ange  de  Dieu.  Nous  voions  comme  Dieu  l'ha  esprouve  en  toutes  sortes,  comme  il  ha  mesprise  tout  le  monde,  qu'estant  esleve  en  dignite,  iamais  il  ne  s'oublie,  brief,  habitant  en  Babilonne,  il  ha  son  coeur  au  ciel,  et  de  fait,  les  visions  qui  luy  sont  donnees,  sont  celestes,  il  monstre  bien  qu'il  est  conioinct  a  Dieu:  et  toutesfois  si  est-ce  qu'encores  use-il  de  cette  facon  qui  est  ici  recitee,  c'est  a  scavoir  de  prier  Dieu  trois  fois  le  iour,  il  est  homme  mortel,  et  pourtant  il  connoist  quelle  est  sa  condition.  Daniel  estant  ainsi  anobli  de  telles  vertus,  et  si  excellentes,  connoist  neantmoins  qu'il  ha  besoin  d'estre  incite,  et  avoir  quelques  aides  pour  prier  Dieu?  Et  nous  qui  sommes  si  lasches,  que  nous  ne  pourrons  pas  a  grand'  peine  ouvrir  la  bouche  pour  prier  Dieu,  qui  sommes  adonnes  aux  vanites  de  ce  monde,  et  n'avons  nous  pas  mestier  de  nous  inciter,  et  de  nous  induire  d'avantage  que  Daniel:  et  toutesfois  on  voit  comme  chacun  s'y  porte,  car  a  grand