25:381  381  REDITUS  AD  HISTORIAM.  382  gent  in  terra  sibi  promissa.  Lex  ergo  dicitur  non  esse  inanis  quia  fructuosa  sit  in  salutem.  Quomodo  autem  eadem  sit  mortifera,  nec  quidquam  per  se  efficaciae  habeat,  ante  diximus.  Verum  quidem  est;  legem,  ut  est  certa  iustitiae  regula,  salutem  non  fallaciter  promittere  hominibus:  sed  quia  nemo  est  qui  re  ipsa  praestet  quod  Deus  exigit,  accidentali  hominum  culpa,  vita  convertitur  in  mortem:  ubi  autem  omnes  sub  maledictione  demersi  sunt,  succedit  novum  remedium,  ubi  gratuita  venia  sic  Deo  reconciliantur  ut  qualecunque  ipsorum  obsequium  placeat.  48.  Loquutusque  est  Iehova  ad  Mosen  eo  ipso  die.  Hoc  suo  ordine  non  referri  inde  colligitur,  quia  certum  est  Mosen  ante  conscriptum  canticum  de  sua  morte  fuisse  admonitum.  Idque  diserte  confirmat  altero  loco  quem  attexui.  Dicit  enim,  antequam  sibi  substitueret  Iosue,  condictum  sibi  fuisse  locum  ubi  mortem  obiret  :  sed  novum  non  est  seriem  narrationis  inverti.  Caeterum  hic  rarum  fidei  et  obedientiae  specimen  cernere  licet.  Mortem  naturaliter  fugiunt  omnes,  ut  nemo  sponte  ad  eam  properet,  nunquam  ergo  sponte  ingressus  esset  sepulcrum,  nisi  spe  melioris  vitae  fretus.  Simile  exemplum  ante  vidimus  in  Aharone.  Atqui  tunc  neque  resurrectio  tam  familiariter  patefacta  erat  quam  hodie  per  evangelium,  necdum  apparuerat  Christus  primitiae  resurgentium.  Quamvis  ergo  a  morte  abhorreat  carnis  sensus,  praevaleat  in  nobis  fides  ad  terrores  omnes  superandos,  sicuti  Paulus  docet  filios  Dei,  quamvis  non  appetant  exui,  optare  tamen  superindui,  ut  absorbeatur  mortalitas  a  vita.  Sed  obedientia  haec  fuit  singularis,  ad  mortem  non  minus  libenter  se  accingere  quam  si  invitatus  esset  ad  laetum  aliquod  hospitium.  Unde  apparet  sanctos  viros  ita  se  consecrasse  Deo,  ut  eius  arbitrio  vivere  et  mori  parati  essent.  Mons  Abarim  videtur  nomen  sumpsisse  ab  angulis,  vel  lateribus,  quia  in  plures  colles  divisus  erat,  sicuti  etiam  hic  vocatur  Nebo,  et  alibi  diversis  nominibus.  Alii  a  transitu  dictum  putant:  sed  opinio  illa  probabilis,  plurali  numero  Abarim  vocari  vel  cacumina  et  vertices,  vel  interstitia  quae  sita  erant  oppositis  cacuminibus.  Etsi  autem  postea  videbimus  aliam  fuisse  causam  cur  servum  suum  subducere  vellet  Deus  ab  hominum  conspectu:  notanda  tamen  est  quae  hic  exprimitur  consolatio,  levatum  fuisse  mortis  dolorem,  quod  terram  Chanaan  aspicere  datum  fuit.  Hac  ratione  iussus  est  conscendere  montis  verticem.  Quamvis  enim  hoc  beneficio  privatus,  acquievisset  in  sola  Dei  promissione,  haec  tamen  accessio  non  parum  profuit  ut  alacrius  populum  in  haereditatis  suae  limine  relinqueret.  Neque  enim  filios  Dei  prorsus  omni  humano  affectu  exuit  fides,  sed  coelestis  pater  pro  sua  indulgentia  eorum  infirmitatem  sublevat.  Ita  quum  Mosi  triste  esset  ab  ingressu  terrae  arceri,