9:380  XXVIII.  Pater  et  filius  non  sunt,  ut  aiunt,  ad  aliquid  nuda  nomina  relativa  sine  veritate,  quae  ad  se  in  solidum  ac  sigillatim  sint  summa  illa  res,  sive  immensa  substantia:  sed  simpliciter  citra  Ulam  sophisticam  exceptionem  nomina  sunt  rerum  substantialium,  quae  quartam  illam  rem  scripturis  sacris  prorsus  incognitam  neque  admittunt,  neque  agnoscunt.  Quod  impugnat,  ab  ultima  usque  vetustate  docuerunt  orthodoxi  omnes  scriptores.  Exsurgit  *)  Valentinus,  et  suum  decretum  pronunciat.  Nulla  ratio,  nullum  testimonium:  imo  quod  temere  reiicit,  a  sensu  communi  dictatur.  Filium  negat  esse  nomen  ad  aliquid:  negat  relative  sumi.  Pater  [pag.  37]  ergo  in  se  et  ad  se  pater  erit.  Filius  item  ad  se.  Unde  sequetur  patrem  esse  absque  filio,  et  filium  absque  patre.  XXIX.  Nisi  pater,  filius  et  spiritus  tres  essent  intelligentes  substantiae  eiusdem  naturae,  falso  consubstantiales  dicerentur.  Tu  vero  fallaciter  insidias  struis  in  voce  ambigua.  Scitur  quo  sensu  veteres  dixerint  filium  patri  consubstantialem,  nempe  ut  essentiae  unitatem  exprimerent.  Hic  impostor  ad  essentias  numero  distinctas  crassa  astutia  trahit.  XXX.  Quidquid  substantialiter  alicunde  est,  non  est  id  ipsum  vivens  in  individuo  ex  quo  est,  sed  qualis  ille  est.  Unde  λόγος  Dei  non  est  unus  ille  αὐτλοθεος  cuius  est  λὀγος:  neque  spiritus  Dei  est  spiritus  ille  immensus  ac  sempiternus,  cuius  est  spiritus:  licet  uterque  hypostatice  in  eo  contineatur,  sitque  cum  illo  unius  eiusdemque  divinitatis,  plenitudinis  ac  perfectionis.  Voluit2)  mundum  aliquem  creare  ex  duobus  elementis,  igni  et  aqua,  hoc  est  rebus  pugnantissimis.  Verum  ut  de  repugnantia  taceamus,  quo  iure  λόγον  infert  non  esse  Deum,  ac  si  concessum  esset  aliunde  esse  Christi  essentiam?  Ergo  quo  longius  texet  suos  errores,  eo  maiore  labyrintho  se  implicabit.  Immensum  vero  spiritum  [pag.  38]  negare,  non  minus  caeci  furoris  est.  Sed  quoniam  haec  monstra  detexisse  vicisse  est,  satis  fuerit  monuisse  lectores,  ut  haec  secum  placide  expendant.  XXXI.  Λόγος  ac  spiritus,  substantialis  generatio  et  pro-  1)  se  dresse  sur  ses  ergots.  2)  Add.  ce  rustre.