8:380  suyvre  tels  mensonges.  Il  ne  parle  pas  ainsi:  mais  qu'il  ne  se  meslera  point  parmi  leurs  ceremonies.  Il  proteste  donc  de  se  maintenir  en  purete  de  corps  comme  d'ame  quant  au  service  de  Dieu.  En  premier  lieu,  nous  avons  yci  a  veoir  si  c'est  idolatrie  de  monstrer  par  signes  exterieurs  qu'on  s'accorde  aux  superstitions  par  lesquelles  le  service  de  Dieu  est  [f.  7]  corrompu  et  perverti.  Oeulx  qui  nagent  entre  deux  eaues  alleguent,  puisque  Dieu  veult  estre  adore  en  esprit,  qu'on  ne  peut  adorer  les  idoles  sans  y  avoir  sa  confiance.  Mais  la  response  est  facile,  que  Dieu  ne  veult  pas  estre  adore  tellement  en  esprit,  qu'il  quiete  le  reste  comme  s'il  ne  luy  appartenoit  point:  car  il  est  parle  en  assez  d'autres  passages  de  ployer  les  genoulx  devant  luy  et  de  lever  les  mains  au  ciel.  Quoy  doncques?  Le  principal  service  qu'il  demande  est  bien  spirituel,  mais  la  declaration  que  font  les  fideles,  que  c'est  luy  seul  qu'ils  servent  et  honorent,  vient  apres,  et  doibt  estre  conioincte  quant  et  quant.  En  l'instance  qu'ils  font  du  mot,  un  seul  passage  suffira  pour  les  redarguer.  Il  est  escript  au  second  chapitre  de  Daniel,  que  Sidrach,  Misach  et  Abdenago,  refusans  a  Nabuchodonozor  de  faire  semblant  de  consentir  a  la  superstition  qu'il  avoit  dressee,  declarent  qu'ils  n'adoreront  point  ses  dieux.  Si  ces  bons  sophistes  eussent  la  este,  ils  se  fussent  mocquez  de  la  simplesse  do  ces  trois  serviteurs  de  Dieu.  Car  ils  eussent  dict:  Povres  gens,  ce  n'est  pas  adorer,  quand  vous  n'y  adioustez  point  foy:  l'idolatrie  n'est  sinon  quand  il  y  a  devotion.  Mais  ces  saincts  personnages  ont  suyvi  un  meilleur  conseil.  Et  de  faict,  ceste  response  ne  vient  point  de  leur  cerveau,  mais  c'est  le  sainct  Esprit  qui  poulse  leurs  langues,  auquel  si  nous  ne  voulons  resister,  il  nous  convient  prendre  de  ce  passage  une  reigle  et  definition,  que  c'est  une  vraye  espece  d'idolatrie  quand  on  commet  acte  exterieur  repugnant  au  vray  service  de  Dieu,  encores  que  ce  ne  soit  que  par  feintise.  Ces  hypocrites  ont  beau  caviller:  Ce  n'est  point  idolatrie,  puisque  nous  n'y  avons  point  nostre  fiance.  Si  demeureront-ils  condamnez  par  ceste  sentence  que  le  grand  Iuge  en  a  prononcee.  Or  telles  gens  debatent  du  mot,  pretendans  seulement  d'amoindrir  en  partie  la  faulte,  laquelle  ils  ne  peuvent  du  tout  excuser.  Ils  confesseront  bien  que  c'est  mal  faict:  mais  ils  vouldroyent  qu'on  estimast  tel  acte  quasi  un  peche  veniel.  Or  quand  on  leur  accorderoit  du  nom  ce  qu'ils  demandent,  si  ni  auroyent-ils  gueres  gaigne.  Prenons  le  cas  qu'on  n'appelle  point  idolatrie  un  tel  semblant  d'adorer  les  idoles,  ce  ne  laissera  point  d'estre  une  desloyaute  contre  Dieu,  un  acte  repugnant  a  la  confession  de  foy,  une  pollution  et  un  sacrilege.  Ie  vous  prie,  quand  l'honneur  de  Dieu  est  viole,  que  nous  luy  faulsons  [f.  8]  la  promesse  que  luy  avons  donnee,  que  nous  sommes  si  lasches  de  renoncer