7:380  impedimenta  pacis  unico  modo  evitabimus,  atque  ad  optatum  pacis  portum  perveniemus,  si  precibus  ab  humili  et  contrito  corde  profectis  ipsum  Christi  spiritum,  qui  est  pax  nostra,  invocaverimus:  ut  in  Concilio  praesideat,  ut  lucem  cordibus  nostris  infundat:  utque  nos  in  omnibus  ad  ipsius  honorem,  et  veram  Ecclesiae  utilitatem  regat  et  dirigat.  Ad  tales  enim  ipse  dicit:  Adhuc  te  loquente,  ecce  adsum.  Quare,  ut  huiusmodi  orationibus  assidue  incumbamus,  quanta  possumus  caritate  vos  in  Domino  hortamur,  ut  uno  ore,  atque  uno  spiritu  Deum  patrem  in  Christo  Iesu  glorificemus,  qui  est  Deus  benedictus  in  saecula,  Amen.  PRAEFATIO  IN  ANTIDOTUM.  [pag.  30]  Hoc  habet  reverentiae  in  ecclesia  christiana  sacri  concilii  nomen,  ut  auditum,  non  imperitos  modo  protinus,  sed  graves  etiam  et  sano  iudicio  praeditos  homines  commoveat.  Et  sane,  quum  hoc  ab  initio  curandis  ecclesiae  suae  morbis  usitatum  remedium  adhibuerit  Deus,  ut  convenirent  pii  et  sancti  pastores,  ac  invocato  eius  nomine  statuerent  quod  spiritus  sanctus  dictabat  :  merito  apud  omnes  pios  in  honore  concilia  esse  debent.  Hoc  interest  quod  vulgus  hominum  immodica  admiratione  obstupescit,  ut  nihil  postea  iudicet.  Qui  vero  sunt  saniores,  sensim  quidem  et  modeste,  sed  tamen  inquirere  sibi  ante  permittunt,  quam  plane  assentiantur.  Atque  ita  fieri  convenit:  ne  temere  nudis  hominum  placitis,  sed  uni  tantum  Deo  subscribat  fides.  Sed  reclamant,  quibus  certo  persuasum  est,  aut  qui  saltem  aliis  persuadere  volunt,  concilium,  qualecunque  sit,  modo  rite  sit  indictum,  non  posse  errare:  quia  a  spiritu  sancto  regatur.  Volunt  igitur,  oraculi  instar,  absque  controversia  recipi,  quidquid  inde  prodierit.  At  quanto  Augustinus  prudentior?  [page  31]  qui  pro  singulari  quidem  sua  modestia,  non  mediocrem  conciliis  honorem  defert:  illam  tamen,  quam  dixi,  moderationem  non  propterea  retinere  desinit.  Nam  adversus  Maximinum  Arianum  scribens  :  Neque  ego  synodum  Nicenam,  l)  inquit,  nec  tu  Ariminensem  debes,  tanquam  praeiudicaturus,  afferre.  Nec  ego  huius  autoritate,  nec  tu  illius  detineris.  Scripturarum  autoritatibus,  non  quorumcunque  propriis,  sed  utrisque  communibus  testibus,  res  cum  re,  causa  cum  causa,  ratio  cum  ratione  certet.  Tantum  sibi  et  aliis  libertatis  sanctus  vir  concedit,  ut  ne  ad  praeiudicium  quidem  valere  Nicenum  concilium  velit,  nisi  causae  veritate  ex  scripturis  bene  perspecta.  Verum,  de  priscis  illis  conciliis  sermonem  lon-  1)  qui  a  este  le  principal  qui  fut  iamais  en  l'Eglise.  gius  producere,  nihil  opus  est  in  praesentia.  De  Tridentino  enim  concilio  agere  institui:  quod  illis  longe  est  dissimile.  Quum  tot  cernerentur  in  ecclesia  corruptelae:  quum  de  religionis  doctrina  graves  exortae  essent  contentiones,  diu  et  ardenter  multorum  votis  expetitum  fuit  concilium:  qui  scilicet  hoc  modo  finem  malis  omnibus  allatum  iri  sperabant.  Imperite  id  quidem  :  Nam  ut  hodie  constitutus  est  rerum  status,  facile  perspiciunt,  quicunque  vel  mediocri  prudentia  sunt  praediti,  nullam  malorum  levationem  ab  iis  [pag.  32]  sperandam  esse,  quorum  est,  tum  cogendi,  tum  habendi  concilii  potestas.  Sed  quia  non  apparebat  alia  melior  ratio,  plurimi  non  mali  homines,  qui  consultum  ecclesiae  optabant,  ex  concilio  aliquid  sibi  pollicebantur.  Itaque  a  multis  desideratum,  tandem  quasi  communi  christiani  orbis  voce  flagitatum  fuit.  Quibus  autem  de  causis  aliquamdiu  dilatum  fuerit,  perspicaciores  agnoscunt.  Nam  quas  Romanus  pontifex  in  sua  bulla  causas  praetendit,  impudenter  esse  confictas,  quisquis  non  videt,  plus  quam  caecus  est.  Quibus  autem  causis  fuerit  adductus,  ut  quascunque  posset  moras  necteret,  ipse  quidem  melius  novit:  aliqua  tamen  ex  parte  coniicere  possumus.  Hoc  ideo  factum  putant  nonnulli,  ne,  tanquam  vulgare  quiddam,  concilium  vilesceret  tam  apud  Principes,  quam  apud  plebeios,1)  si  tam  facile  statim  fuisset  impetratum.  Solet  enim  pretium  rebus  addere  longa  exspectatio,  modo  ne  taedium  interveniat.  Ego  tamen  aliam  fuisse  rationem  iudico.  Tametsi  enim  concilium  quod  daret,  sciebat  nihil  fore  aliud,  quam  conductitiam  turbam  suorum  asseclarum,  in  qua  ipse  solus  emineret,  ea  tamen  est  vis  malae  conscientiae,  ut  trepidaret  ad  solam  concilii  mentionem.  Nam  adeo  dissoluta  et  effraeni  libidine  grassatur  1)  Omittitur  hoc  membrum  in  versione,  sicut  etiam  quae  proxime  sequitur  phrasis.