6:380  redditurum  se  promittit,  ut  tam  resistendo,  quam  obediendo  paratum  aptumque  sit,  sed  quod  omnino  ad  obedientiam  formatum  et  compositum,  iustitiam  Dei  iam  in  se  impressam  insculptamque  habeat.  Nemo  tam  obtusus  est,  quin  hic  in  supprimenda  Dei  gratia  tum  insignem  Pighii  malignitatem,  tum  impudentem  et  prope  desperatam  [pag.  205]  audaciam  cernat.  Dicit  Dominus,  facturum  se,  ut  sibi  serviamus:  reddit  ille,  facturum,  ut  possimus  vel  ambulare,  vel  non  ambulare.  Dicit  similiter  Dominus  altero  loco,  inscripturum  se  cordibus  leges  suas:  reddit  Pighius,  facturum,  ut  corda  impressionem  hanc  recipere  valeant,  non  autem  ut  habeant.  Haec  generalis  est  sententia:  Pighius  ad  homines  prava  consuetudine  corruptos  restringit.  Lapideum  cor  vocat  Deus  contumaciam  et  rebellionem,  ex  naturae  vitiositate  insitam  hominibus.  Pighius  duritiem  exponit  ex  mala  consuetudine  contractam.  Quemadmodum  si  quis  ex  philosophorum  grege  diceret,  hominem  male  vivendo  obduruisse  vel  occalluisse  ad  malum.  Clarum  igitur  omnibus  nunc  quod  dixi  esse  confido:  prophetam  hoc  loco  satis  exprimere,  non  roborari  tantum  humanae  voluntatis  infirmitatem  gratiae  subsidio,  quo  ad  boni  studium  efficaciter  adspiret.  Pighius  autem  quidquid  a  me  convicii  perpeti  paratus  est,  si  unum  ex  orthodoxis  producere  potuero,  qui  non  ita  senserit.  Ego  autem,  ut  compendio  studeam,  Augustinum  produco:  qui  et  initio  libri  de  Gratia  et  libero  arbitrio  ad  Valentinum,  et  Epistola  centesima  septima  ad  Vitalem,  idem  tradit.  Utroque  enim  loco,  dum  hoc  prophetae  testimonium  interpretatur,  fortiter  contendit,  non  praecedere  in  voluntate  bonum  aliquem  motum,  quem  Deus  adiuvet  subsequendo,  sed  voluntatem  perversam  Deoque  rebellem  penitus  esse,  donec  corrigatur.  Tametsi  conviciis  abstineo  :  satis  insignes  impudentiae  suae  maculas  ipse  sibi  Pighius  inussit.  Quoniam  autem  subiicio,  aboleri  oportere  quidquid  ex  nobis  est,  quum  a  Domino  regeneramur,  primum  interrogat,  quid  istis  verbis  mihi  velim;  et  mox  respondendo  antevertit,  non  aliter  quam  de  universis  naturae  partibus  posse  intelligi:  in  iis  autem  esse  et  animam  et  corpus:  convenire  ergo  secundum  haec  mea  verba,  ut  corpore  resurgant  homines,  simul  atque  ad  Deum  convertuntur,  [pag.  206]  Non  confidentius  adversarium  insequeretur  Chrysippus  disputando,  si  viveret,  sed  melius  aliquanto,  et  magis  vivis  rationibus  premeret.  Ego,  ut  latratum  huius  canis  breviter  compescam,  primum  loquendi  formam  neque  novam  esse,  neque  a  me  inventam  respondeo.  Sic  enim  ante  me  Augustinus:l)  Nemo  se  palpet;  de  suo  enim  non  nisi  Satan  est:  quid  enim  de  tuo  habes,  nisi  peccatum?  tolle  peccatum,  quod  tuum  est;  iustitiam  enim  non  habes,  nisi  ex  1)  Homil,  in  Ioann.  49.