49:380  res  ad  populum,  sed  iam  praeiudicata,  deferebatur.  Quidquid  sit,  a  Christi  apostolorumque  instituto,  ab  ordine  ecclesiae,  ab  ipsa  denique  aequitate  alienum  est,  penes  unum  hominem  hoc  ius  deponi  :  ut  quos  velit,  suo  arbitrio  excommunicet.  Notemus  ergo  hanc  moderationem  tenendam  esse  in  excommunicatione,  ut  communi  seniorum  consilio  et  ex  plebis  consensu  exerceatur  haec  disciplina  :  atque  hoc  esse  remedium,  quo  tyrannidi  obviam  eatur.  Nihil  enim  Christi  disciplinae  magis  adversum  quam  tyrannis:  cui  aperta  est  ianua,  si  tota  potestas  uni  permittitur.  In  nomine  Domini  nostri.  Neque  enim  satis  est  nos  coire  in  unum,  nisi  id  fiat  in  Christi  nomine:  nam  et  mali  conveniunt  ad  conspirationes  impias  et  nefarias.  Porro  ad  hoc  ut  conventus  agatur  in  Christi  nomine,  duo  requiruntur,  ut  ab  invocatione  nominis  eius  fiat  exordium:  deinde  ne  quid  tentetur  nisi  ex  eius  verbo.  Tunc  ergo  demum  auspicato  aggrediuntur  homines  quidquid  agendum  suscipiunt,  quum  ex  animo  Dominum  invocant,  ut  eius  spiritu  gubernentur,  ut  eius  gratia  dirigantur  eorum  consilia  ad  felicem  successum  :  deinde  quum  os  ipsius  interrogant,  sicut  loquitur  propheta  (Iesa.30,2):  hoc  est,  consultis  eius  oraculis,  se  suaque  consilia  omnia  eius  voluntati  in  plenam  obedientiam  addicunt.  Hoc  si  vel  in  minimis  actionibus  fieri  convenit,  quanto  minus  in  gravibus  seriisque  negotiis  est  omittendum?  omnium  vero  minime,  quum  Dei  potius  negotium  quam  nostrum  agimus.  Exempli  gratia,  excommunicatio  non  hominum,  sed  Dei  ipsius  est  institutum  :  quoties  ergo  ea  utendum  est,  unde  exordiemur  nisi  a  Deo?  In  summa,  dum  iubet  Paulus  Corinthios  in  nomine  Christi  convenire,  non  id  tantum  requirit  ut  Christi  nomen  obtendant  aut  ore  profiteantur  (nam  id  impiorum  quoque  commune  est),  sed  vere  et  ex  animo  ipsum  quaerant:  deinde  eo  ipso  gravitatem  pondusque  actionis  significat.  Addit,  cum  potentia  Domini  nostri:  nam  si  vera  est  promissio,  quoties  duo  aut  tres  congregati  in  meo  nomine  fuerint,  ego  in  medio  eoram  sum  :  sequitur  opus  esse  Christi  quidquid  fit  in  tali  congregatione.  Hinc  colligimus  quanti  sit  momenti  coram  Deo  excommunicatio  legitima,  quum  Dei  virtute  subnixa  sit.  Nam  et  illud  impleri  oportet,  quidquid  ligaveritis  in  terra,  erit  in  coelis  ligatum.  Sicut  autem  haec  sententia  non  mediocrem  horrorem  incutere  debet  contemptoribus:  ita  etiam  tam  fideles  pastores  quam  totae  ecclesiae  hinc  admonentur  quanta  religione  in  re  tam  seria  progredi  debeant.  Certum  enim  est,  non  hominum  arbitrio  aut  opinionibus  alligatam  esse  Christi  potentiam,  sed  coniunctam  cum  aeterna  eius  veritate.  5.  Tradere  Satanae  in  exitium  carnis.  Quoniam  ista  virtute  inter  alias  praediti  erant  apostoli,  ut  malos  et  contumaces  Satanae  subiicerent,  eoque  tanquam  flagello  uterentur  ad  eos  corrigendos:  Chrysostomus  et  qui  eum  sequuntur  ista  Pauli