41:380  tellement  qu'il  n'y  ha  que  redire  en  luy.  Or  il  est  vrai  que  le  sainct  Esprit  ha  rendu  tesmoignage  a.  sa  preud'hommie,  mais  aussi  ce  ha  este  a  fin  que  nous  en  recevions  instruction,  qu'un  chacun  de  nous  regarde  a  soy,  car  nous  n'aurons  nulle  excuse,  quelque  couleur  que  nous  pretendions.  O,  voila  le  monde  est  auiourd'hui  si  corrompu  qu'on  perd  courage!  et  puis  nous  sommes  en  un  temps  qu'il  est  impossible  de  servir  a  Dieu,  que  nous  ne  sentions  beaucoup  de  mal,  voila  comme  beaucoup  de  gens  se  voudront  excuser,  mais  Daniel  ne  pouvoit-il  pas  alleguer  cela?  Estimons-nous  que  le  gouvernement  de  Babilonne  fust  plus  entier  que  le  reste  des  Royaumes  et  principautes  du  monde?  ii  y  avoit  beaucoup  d'exces,  de  cruautes,  d'extorsions,  de  fraudes,  et  de  malice:  et  toutesfois  Daniel  se  trouvoit  pur,  et  innocent  de  tout  cela,  qu'on  ne  scauroit  trouver  a  redire  en  luy,  en  quelque  facon  que  ce  soit.  Or  venons  maintenant  a.  ce  qui  est  adiouste  au  texte,  c'est  a  scavoir,  qu'ils  ne  trouvent  nulle  occasion  contre  luy,  sinon  a  cause  qu'il  ha  une  religion  diverse  d'avec  les  Perses  et  les  Medes.  Or  sur  cela  ils  pratiquent  de  faire  cet  edict,  duquel  il  fut  hier  parle,  qu'on  ne  feist  nulle  requeste,  ny  a  Dieu,  ny  a  homme,  sinon  au  Roy.  Or  Pedict  estoit  bien  plein  d'arrogance  diabolicque,  qu'un  Roy  (qui  est  une  creature)  aille  desfendre  qu'on  ne  face  nulle  requeste  a  Dieu.  Il  est  vrai  que  Darius  tourne  tout  ceci  en  idolatrie,  mais  cependant  si  est-ce  qu'encores  pense-il,  qu'en  ses  idoles  il  y  ait  quelque  divinite.  Et  quand  il  fait  comparaison  de  luy  avec  ses  idoles,  qu'il  se  connoist  estre  inferieur.  D'avantage,  il  avoit  quelque  apprehension  du  Dieu  vivant,  qui  estoit  adore  en  Israel:  et  toutesfois  puis  qu'il  est  question  de  son  autorite,  et  de  se  faire  valoir,  il  oublie  tout,  qu'il  ne  luy  chaut  de  despiter,  et  les  dieux  qu'il  ha  forges,  et  le  Dieu  vivant,  et  tous  les  hommes  de  la  terre,  moiennant  qu'il  soit  conneu  Roy,  qu'il  soit  redoute,  et  qu'on  luy  porte  toute  obeissance,  voila  quant  a  un  Item.  Or  cependant  Daniel  ne  laisse  pas  de  faire  ce  qu'il  avoit  accoustume,  c'est  a  scavoir,  de  prier  Dieu  trois  fois  le  iour.  Or  il  est  bien  certain  que  nous  ne  sommes  pas  astraincts  a  une  loy,  de  prier  trois  ou  quatre  fois  le  iour,  mais  plustost  ii  nous  est  dit,  que  nous  devons  estre  continuels  en  oraisons.  C'est  autre  chose  de  prier  seulement  trois  fois  le  iour,  et  prier  incessamment.  Or  quand  il  nous  est  dit  que  nous  devons  prier  incessamment,  c'est  pour  nous  signifier  que  l'homme  fidele  ne  se  peut  trop  soliciter  a  cela,  ce  doit  estre  comme  l'exercice  continuel  de  nostre  vie.  Quiconques  se  lasse  de  prier  Dieu,  celuy-la  connoit  bien  mal,  dequoy  il  ha  affaire,  ne  quelle  est  sa  condition,  car  nous  ne  scaurions  estre  une  seule  minute  de  temps,  que  nous  ne  soions  en