25:380  Israel  in  haereditatem.  50.  Et  morere  in  monte  ad  quem  ascendis,  et  congregare  ad  populos  tuos,  quemadmodum  mortuus  est  Aharon  frater  tuus  in  Hor  monte,  et  congregatus  est  ad  populos  suos.  51.  Et  quod  praevaricati  estis  in  me  in  medio  filiorum  Israelis  ad  aquas  iurgii  Cades  deserti  Sin,  eo  quod  non  sanctificastis  me  in  medio  filiorum  Israelis:  52.  E  regione  quidem  videbis  terram,  sed  illuc  non  ingredieris  ad  terram  Ulam  quam  do  filiis  Israelis.  EIUSDEM  HISTORIAE  REPETITIO.  EX  NUM.  CAP.  XXVII.  12.  Dixit  Iehova  ad  Mosen:  Ascende  in  montem  istum  Abarim:  et  vide  terram  quam  dedi  filiis  Israel.  13.  Ubi  videris  eam  aggregaberis  ad  populos  tuos  tu  quoque,  sicut  aggregatus  est  Aharon  frater  tuus.  14.  Quandoquidem  rebelles  fuistis  ori  meo  in  deserto  Sin,  in  iurgio  congregationis,  ut  sanctificaretis  me  in  aquis  coram  oculis  eorum.  Istae  sunt  aquae  iurgii  Cades  in  deserto  Sin.  44.  Venit  autem  Moses.  Non  abs  re  iterum  refert  Moses  se  hoc  canticum  recitasse  coram  populo:  quia  inde  apparet  quam  procul  ab  omni  ambitione  fuerit,  dum  veritus  non  est  sub  vitae  exitum  exacerbare  omnium  animos,  ut  memoriam  nominis  sui  exosam  redderet.  Deinde  silentio  et  modestia  populi  sancita  fuit  eius  autoritas,  ut  passi  sunt  tam  aspere  se  tractari.  Nam,  quae  erat  omnium  pervicacia,  nunquam  auditus  fuisset  nisi  interveniente  ad  ipsos  domandos  arcano  spiritus  instinctu.  Adiungit  sibi  Iosue,  quem  haud  dubie  pari  autoritate  armare  voluit.  Iubet  attentos  esse  ad  obiurgationes  et  minas,  ut  legi  autoritatem  conciliet:  quod  observatu  dignum  est.  Videmus  enim  ut  sae$e  frigeat  nuda  doctrina,  et  nervis  careat,  nisi  acrius  stimuletur  pigrities  quae  mentes  quodammodo  suffocat.  Ergo  ne  spernatur  legis  doctrina,  vel  intercidat,  vel  languidius  excepta  paulatim  evanescat,  vehementia  cantici  huius  tanquam  stimulo  eos  pungit,  et  iubet  posteros  ad  hanc  doctrinam  formari,  ut  minis  acuatur  eorum  attentio.  Proximo  versu  ab  utilitate  commendat  servandae  legis  studium  :  male  enim  interpretes,  meo  iudicio,  vertunt:  Ne  sit  vobis  verbum  inane,  vel:  Non  est  verbum  inane,  ut  contemni  a  vobis  debeat.  Melius  Hieronymus:  Non  incassum  data  sunt  praecepta.  Simpliciter  enim  intelligit  Moses:  Legem  non  frustra  esse  positam,  ut  sine  fructu  diffluat:  ideoque  cavendum,  ne  Deum  frustrentur  qui  prodesse  ipsis  voluit,  pi  itaque  fructuoso  opponitur,  quod  melius  liquet  ex  confirmatione  mox  addita,  esse  in  illis  vitam,  ut  dies  suos  proro-